HYSBYSIAD O GONTRACT - CENEDLAETHOL

1 Manylion yr Awdurdod

1.1

Enw a Chyfeiriad yr Awdurdod

1.2

Cyfeiriad ar gyfer cael dogfennaeth

Fel yn I.1

1.3

Mae'n rhaid dychwelyd dogfennau wedi'u cwblhau at:

2 Manylion y Contract

2.1

Teitl

Canolfan Mileniwm Cymru - EPOS Lletygarwch Di-arian

2.2

Disgrifiad o'r nwyddau neu'r gwasanaethau sydd eu hangen

Mae Canolfan Mileniwm Cymru yn mynd drwy gyfnod cyffrous o drawsnewid digidol, gyda newidiadau ar y gweill a fydd yn gwella'r ffordd y mae'r Ganolfan yn gweithredu a'r gwasanaethau a ddarperir ganddi. Bydd y cyfle i brynu Byrbrydau a Diodydd ac amrywiaeth o Nwyddau yn ffactor allweddol ym mhrofiad cwsmeriaid yn ystod eu hymweliadau. Felly, bydd system EPOS yn chwarae rôl greiddiol yn y broses o wasanaethu bariau'r theatr a'r mannau dull cabaret niferus yn yr adeilad. Penderfynwyd y bydd cyfleusterau arlwyo CMC yn cyflwyno system gwbl ddi-arian ac mai dim ond taliadau drwy gardiau Credyd a Debyd neu daliadau drwy Ffôn Symudol megis Apple a Google Pay a gaiff eu derbyn. Rhagwelir hefyd y bydd gan CMC ei cherdyn rhagdalu dolen gaeedig ei hun fel pryniant untro a byddai'n ystyried ffyrdd o integreiddio'r cerdyn presennol i Aelodau fel y gellir ei ddefnyddio fel “pwrs” i'w lwytho a didynnu symiau ohono drwy gyfrif cwmwl.

DARLLENWCH Y DDOGFEN BRIFFIO SYDD WEDI’I HATODI.

NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=109522 i gofrestru eich diddordeb yn yr hysbysiad hwn a chael unrhyw wybodaeth ychwanegol.

Mae'r awdurdod dyfarnu wedi nodi y bydd yn derbyn ymatebion electronig i'r hysbysiad hwn drwy'r cyfleuster 'Blwch Postio Cyflwyno Tendrau'. Mae rhagor o fanylion am y cyfleuster hwn ar gael yn https://www.sell2wales.gov.wales/sitehelp/help_guides.aspx.

Cynghorir cyflenwyr i ganiatáu digon o amser i lanlwytho dogfennau ac anfon yr ymateb electronig ymhell cyn yr amser cau er mwyn osgoi unrhyw broblemau munud olaf.

2.3

Cod a Dosbarthiad yr Hysbysiad

2.4

Cyfanswm maint neu gwmpas y tendr

Dylai'r system EPOS gynnig profiad effeithlon a chadarn ond ystyriol o ddefnyddwyr ar gyfer timau sy'n wynebu'r cyhoedd a dylai allu integreiddio â Tessitura Ticketing a'r Datrysiad CRM. Dylai'r datrysiad allu rheoli lefelau stoc yn effeithlon ar bob llwyfan gwerthu a'i gwneud yn bosibl i lanlwytho stocrestr newydd yn hawdd, yn ogystal â gostyngiadau a hyrwyddiadau. Dylai fod opsiwn ar gyfer mathau lluosog o ddefnyddwyr gyda lefelau amrywiol o fynediad ac awdurdod. Dylai dulliau ad-dalu a newid stoc/talu fod ar gael yn hawdd i'r defnyddwyr perthnasol. Bydd angen system stocrestr yn y tendr. Bydd y mannau arlwyo yn gwerthu stoc wlyb yn bennaf oherwydd bydd y cyfleusterau bwyta a chiniawa yn cael eu gosod ar gontract allanol ac ni fyddant yn rhan o gwmpas y prosiect hwn. Fodd bynnag, caiff byrbrydau, hufen iâ a melysion eu gwerthu gan CMC mewn amrywiol fannau.

Bydd Canolfan Mileniwm Cymru yn ailagor gydag ymwybyddiaeth o ddiogelu rhag Covid a'r gallu i wneud hynny; o ganlyniad, dylai'r datrysiad EPOS ddarparu ar gyfer y gallu i drawsrwydweithio drwy ddyfais symudol a ddelir â llaw, yn ogystal â darparu mannau talu ar wahân. Mae'r gallu i weithredu mewn ffordd ddigyswllt sy'n cadw pellter cymdeithasol yn hanfodol. Dylai'r datrysiad EPOS gael ei redeg ar galedwedd ddi-batent safonol i ganiatáu ar gyfer dull gweithredu hyblyg er mwyn defnyddio'r system ar raddfa fwy neu raddfa lai yn ôl y gofyn.

Dylai'r datrysiad EPOS hefyd gynnwys y cyfle i gyflwyno barrau dros dro, arddull ‘clicio a chasglu’, drwy Ap ffôn symudol neu ragarchebu o fan talu. Dylai'r Gwerthwr gynnwys yn ei gynnig grynodeb o'i allu i ddarparu Ap Ffôn Symudol integredig o fewn ei gyfres o wasanaethau. Dylid cynnwys gwybodaeth ynghylch a yw'r Ap hwn yn un label wen sy'n ein galluogi i gynnwys ein brandio ac i'w ffurfweddu mewn unrhyw ffordd yn unol â'n gofynion. Fel arall, os nad oes gan y Gwerthwr ei Ap ei hun, yna dylai'r Gwerthwr nodi ei allu a'i barodrwydd i ddarparu modd i integreiddio â darparwr Ap trydydd parti. Nodwch a fydd yn dwyn cost neu a gaiff ei ddarparu'n ddi-dâl.

Ar hyn o bryd, mae ein system CRM (Tessitura) yn cynhyrchu codau QR i gwsmeriaid drwy e-dalebau pan fyddant yn archebu tocynnau ac eitemau ategol megis Diodydd yn ystod yr Egwyl, a dylai'r datrysiad EPOS ganiatáu ar gyfer sganio a/neu gysoni'r rhain. Dylai'r datrysiad ganiatáu integreiddio dwyffordd mewn amser real er mwyn ei gwneud yn bosibl i reoli'r stocrestr yn gywir yn ogystal â chofnodi defnydd cwsmeriaid. Dylai'r datrysiad gynnig mannau casglu i gwsmeriaid sydd wedi rhagarchebu yn y bar agosaf i'w seddi er hwylustod, a hefyd ym mhob rhan o ardaloedd blaen y tŷ. Gellir darparu pob cynllun seddi yn ystod y broses weithredu.

Drwy integreiddio CRM Tessitura, dylai fod modd Adnabod Cwsmeriaid yn y Man Gwerthu EPOS, yn benodol i aelodau sydd â hawl i gael pris gostyngol neu Bwysigion/aelodau o'r staff. Dylai aelodau gael eu hadnabod drwy godau QR o bosibl a/neu gardiau aelodaeth, a dylai opsiynau talu megis talebau rhodd a Chyfrifon Mewnol adrodd yn ôl yn uniongyrchol i gofnodion cwsmeriaid yn y gronfa ddata. Mae CMC yn croesawu unrhyw awgrymiadau gan Werthwyr ynglŷn ag opsiynau eraill o ran adnabod ac integreiddio yn y maes hwn.

Dylai fod modd i'r datrysiad gynnig Cynhyrchydd Adroddiadau er mwyn dadansoddi gwerthiannau y gellir ei drin yn hawdd a'i ddefnyddio ar gyfer derbynwyr mewnol ac allanol. Dylai fod modd hefyd i'r data hyn gael eu hallforio a'u bwydo i mewn i System Gwybodaeth Busnes trydydd parti yn y dyfodol at ddibenion dadansoddi.

Mae'n rhaid i unrhyw system a ddewisir gan CMC fod yn ddatrysiad integredig ac wedi'i “diogelu at y dyfodol” i allu integreiddio â thechnolegau sy'n cael eu datblygu, gan gynnwys datrysiadau talu symudol yn y dyfodol. Byddai Ap archebu ffôn symudol trydydd parti yn cael ei ystyried ar yr amod ei fod eisoes wedi'i integreiddio â'r ddarpariaeth graidd a gynigir gan y gwerthwr. Byddai'n well gan CMC gael datrysiad “un contractwr” gan un darparwr sydd ag un gronfa ddata. Mae'n “rhaid” i'r Cyfrifon CRM/Tocynnau Tessitura a Sage gael eu hintegreiddio â'r datrysiad cyffredinol yn ogystal â phecyn Rheoli Stoc, talu Sglodyn a Rhif Adnabod a datrysiad di-arian Rhagdalu.

Hoffai CMC hefyd allu cynnig “rhoddion digyswllt” a hefyd dalgrynnu pryniannau at ddibenion rhoi rhodd.

DARLLENWCH Y DDOGFEN BRIFFIO SYDD WEDI’I HATODI.

3 Amodau ar gyfer Cymryd Rhan

3.1

Safonau gofynnol a'r cymhwyster sydd ei angen

Bydd y meini prawf dewis yn cynnwys cyfuniad o ffactorau ariannol ac anariannol a byddant yn ystyried meysydd yn ychwanegol at addasrwydd at y diben, megis:

a. Derbynioldeb y Gwerthwr – statws y Gwerthwr mewn perthynas â chefndir, prif weithgareddau (yn y gorffennol ac ar hyn o bryd), manylion y Rhiant-Grŵp ac achrediadau proffesiynol/masnachol

b. Sefyllfa economaidd ac ariannol – Mae'n rhaid i'r Gwerthwr fod mewn sefyllfa ariannol gadarn ac mae'n bosibl y caiff gwiriadau ariannol annibynnol eu cynnal.

c. Hanes y Gwerthwr – Mae'n rhaid i'r Gwerthwr allu dangos hanes llwyddiannus o ddarparu gwasanaethau tebyg i'r rhai a nodir yn y ddogfen hon. Gofynnir am dri geirda yn Adran 13 o'r Tendr hwn.

d. Cymhwysedd a galluogrwydd y Gwerthwr – Mae'n rhaid bod y Gwerthwr yn gallu cynnal adnoddau a chymwyseddau craidd am gyfnod y contract, y rhagwelir y bydd yn para am 5 mlynedd.

e. Datrysiad arfaethedig y Gwerthwr, gan gynnwys y gallu i ddarparu, gosod a rhoi cymorth. Dylai'r Gwerthwr allu datblygu'r datrysiad arfaethedig ar gyfer newidiadau yn y dyfodol neu i fod yn addas ar gyfer y fanyleb sy'n ofynnol gan CMC.

f. Bydd angen i staff cymorth a strwythurau cymorth yn y DU fod ar waith.

g. Gwerth am arian – Mae'n rhaid i'r Gwerthwr gyflwyno cynnig economaidd-gadarn, arloesol a masnachol-atyniadol, sy'n cynnig gwasanaeth a boddhad cwsmeriaid rhagorol.

Caiff y wybodaeth a ddarperir ei gwirio i gadarnhau cyflawnder a chydymffurfiaeth cyn y byddwn yn gwerthuso ymatebion.

Os bydd CMC yn ystyried bod yr ymateb yn annigonol neu os nad yw cwestiynau wedi cael eu hateb heb reswm da, efallai y bydd CMC yn penderfynu peidio â bwrw ymlaen â chynnig y Gwerthwr.

Nid oes unrhyw atebolrwydd na chyfrifoldeb ar CMC am y costau y mae'r Gwerthwr yn mynd iddynt wrth lunio ei ymateb i'r tendr.

Os tybir nad oes unrhyw un o'r cynigion yn foddhaol, ceidw CMC yr hawl i ystyried opsiynau caffael amgen.

DARLLENWCH Y DDOGFEN BRIFFIO SYDD WEDI’I HATODI.

4 Gwybodaeth Weinyddol

4.1

Math o Weithdrefn

Dau gam

4.2

Rhif cyfeirnod a roddwyd i'r hysbysiad gan yr awdurdod contractio

N/a

4.3

Terfynau Amser

4.5

Yr iaith neu'r ieithoedd y gellir ei/eu defnyddio i lunio tendrau neu geisiadau i gymryd rhan

4.6

Blwch Postio Cyflwyno Tendrau

5 Gwybodaeth Arall

5.1

Gwybodaeth Ychwanegol

A wnewch chi gadarnhau eich bod yn bwriadu tendro'n uniongyrchol i phillip@eposconsultant.com cyn gynted ag y bo modd.

Dylid cyflwyno'r tendr ar ffurf un copi electronig mewn fformat pdf wedi cyflwno trwy Sell2Wales. Dylid cynnwys unrhyw ddogfennaeth ategol neu atodiadau mewn fformat pdf a chyfeirio'n glir atynt yng nghorff y ddogfen. Fodd bynnag, peidiwch â chynnwys deunydd marchnata yn lle ateb y cwestiwn yng nghorff y ddogfen hon yn llawn.

Os bydd angen eglurder am unrhyw beth arnoch, anfonwch e-bost at phillip@eposconsultant.com yn unig. Mae'n rhaid i'r manylion ddangos yn glir pwy yw'r enw cyswllt ar gyfer ymatebion ac atebion a nodi cyfeiriad e-bost a rhif ffôn cyswllt. Caiff unrhyw beth a eglurir ei rannu rhwng pob darpar Werthwr yn ddienw.

Y dyddiad cau ar gyfer tendro fydd 5pm ar Ebrill 18th 2021. Mae CMC yn awyddus i ddechrau treialu, yn amodol ar Reoliadau COVID-19, erbyn diwedd mis Mai ac mae'n awyddus i'r broses osod gael ei chwblhau a bod yn fyw erbyn dechrau mis Hydref 2021.

Penderfynir ar y Rhestr Fer ar Ebrill 21st 2021. Os byddwch yn llwyddiannus, cewch eich hysbysu drwy alwad ffôn a byddwn yn trefnu dyddiad ar gyfer cyflwyniad. Caiff Telerau ac Amodau'r contract eu trafod â'r Gwerthwyr ar y rhestr fer bryd hynny.

DARLLENWCH Y DDOGFEN BRIFFIO SYDD WEDI’I HATODI.

(WA Ref:109522)

Mae'r prynwr yn ystyried bod y contract hwn yn addas ar gyfer ceisiadau consortia.

5.2

Dogfennaeth Ychwanegol

5.3

Dyddiad cyhoeddi'r hysbysiad hwn