Cyflwyniad a hanes
Dale Sailing
Mae gennym un o'r ierdydd
cychod mwyaf diogel ac sydd â'r cyfarpar gorau yng Ngorllewin Cymru. Ein
peiriant codi cychod yw'r un mwyaf yn y De-Orllewin, ac mae'n darparu
gwasanaethau codi ar gyfer cychod hyd at 35 o dunelli. Ein cyfleuster storio sych yw'r cyntaf o'i
fath yn y Gorllewin, ac mae'n gallu storio 100 o gychod hyd at 11m a 6
thunnell.
Mae ein Tîm Peirianneg
profiadol yn gwbl gymwysedig ac yn cynnig gwasanaeth a chymorth trwsio di-guro
ar gyfer pob agwedd ar beirianneg forol. Mae gennym siop chwyth-baentio
bwrpasol a dyfarnwyd 'Prif Fanwerthwr Paent Rhyngwladol y DU' i ni am
ragoriaeth mewn gwasanaethau cwsmeriaid, gwybodaeth am gynnyrch ac amrywiaeth o
baent a phaent gwrth-ffowlio.
Mae ein siop gêr môr a'n
siop ar-lein yn llawn o'ch holl hanfodion, ynghyd ag amrywiaeth enfawr o offer
electronig, dillad, motorau, angorau a llawer llawer mwy gan gyflenwyr yn
cynnwys Raymarine, Mercury, Suzuki, Volvo ac Yanmar.
Mae cwmni Dale Nelson yn
fyd enwog ac yn cael ei adnabod fel adeiladwr cychod o 'grefftwaith heb ei ail'
a 'phedigri heb ei ail'. Mae Dale Nelson yn adeiladu cychod hwyliau modur
moethus a chychod masnachol, a bob amser yn sicrhau'r cydbwysedd delfrydol
rhwng traddodiad a thechnoleg.
Mae ein Teithiau Cwch o
amgylch Ynysoedd Sir Benfro, ein Saffaris Môr a'n gwasanaeth llogi cychod
siarter yn cynnig amrywiaeth o gyfleoedd i archwilio a phrofi Ynys enwog Sir
Benfro.
Mae West Wales
Watersports, a leolir yn Dale, yn cynnig gwasanaeth llogi cyfarpar, sesiynau
blasu a hyfforddiant, gyda chyrsiau sydd wedi'u hardystio gan RYA a BCU yn cael
eu darparu gan ein hyfforddwyr cymwys a phrofiadol.
Mae Dale Sailing, a
sefydlwyd yn 1961 gan Campbell Reynolds, tad John a Mike a Thad-cu Gareth
(Cyfarwyddwyr presennol y Cwmni), yn gwmni teuluol nodweddiadol o hyd.
O ddechreuad bach iawn
mewn sied ym mhentref Dale ar arfordir gorllewinol Sir Benfro, lle y cafodd
Campbell ei fagu, sefydlodd siop gêr môr a gwasanaeth adeiladu a thrwsio cychod
lleol a dibynadwy, a ddaeth yn uchel ei barch yn yr ardal a thu hwnt.
Dros y blynyddoedd,
ehangodd y busnes a symudodd i safle mwy ym Marina Neyland yn 1983, ac mae
bellach yn cefnogi pob agwedd ar fywyd môr ac yn cyflogi hyd at 50 aelod o
staff.
GwerthwchiGymru a
Dale Sailing
Mae GwerthwchiGymru wedi
rhoi cyfleoedd i ni ddod o hyd i farchnadoedd na fyddem wedi eu gweld o'r blaen
a'r cyfle i dendro am waith wrth iddo ddod ar gael. Mae hefyd wedi cynnig
ffyrdd gwahanol i ni hyrwyddo'r cwmni, yn ogystal â chyfleoedd busnes newydd,
ac mae wedi rhoi amlygiad anhygoel i ni ar Facebook. Mae hefyd yn darparu cymorth a chanllawiau
gwerthfawr drwy'r wefan.
Er mwyn sicrhau eich bod
manteisio i'r eithaf ar GwerthwchiGymru, byddem yn sicr yn argymell eich bod yn
mynd ati i ddefnyddio'r wefan er mwyn dod o hyd i gyfleoedd busnes a meithrin
cysylltiadau newydd.
https://dale-sailing.co.uk/
https://www.facebook.com/dalesailing/