Mae 20 Degrees yn
cynorthwyo pobl a'u sefydliadau drwy gyfnodau o newid. Rydym yn gweithio gyda chleientiaid i'w helpu
i wireddu manteision newid a fwriedir a rheoli canlyniadau newid anfwriadol. Gellir rhannu ein gwasanaethau yn bedair
elfen sy'n aml yn gorgyffwrdd:
Arloesedd – ysgogwr
newid rhagweithiol a chadarnhaol
Rydym yn cefnogi hyrwyddo arloesedd mewn sefydliad.
Rheoli prosiectau –
y dull ar gyfer newid a reolir
Rydym yn gweithio gyda graen diwylliant sefydliad cleient i gyflwyno
dulliau sydd fwyaf tebygol o arwain at y manteision a fwriedir gan brosiect
newid.
Datblygu pobl –
helpu pobl i fabwysiadu ymddygiad a sgiliau cadarnhaol ar gyfer newid
Rydym yn cefnogi ochr
pobl o ran newid drwy ddatblygu sgiliau, datblygu arweinyddiaeth a hyfforddi yn
yr amgylchedd prosiect.
Gwerthuso – dysgu'r
gwersi o newid
Rydym yn darparu dadansoddiad trwyadl a myfyrio beirniadol.
Meddai Alun Hughes, un o
Gyfarwyddwyr 20 Degrees
‘Gwnaethom ddechrau
masnachu ym mis Medi 2013 yn unig ac mae GwerthwchiGymru wedi bod yn wych
inni. Rydym wedi cynnig am wyth prosiect
a hysbysebwyd ar GwerthwchiGymru ac rydym wedi ennill pedwar ohonynt. Mae hynny'n gyfradd lwyddo eithaf da. I ni mae hyn yn cynrychioli 73% o’n blwyddyn
gyntaf o werthiannau yn ôl gwerth a 45% o drosiant ein blwyddyn gyntaf. Mae ochr werthuso ein busnes yn tyfu'n
arbennig o gryf’.
Fy nghyngor i unrhyw un
arall sy'n ystyried tendro yw ‘Cadwch bethau'n syml ond gwnewch ymdrech i lunio
cynnig da. Meddyliwch am eich dogfen
dendr fel fersiwn ysgrifenedig o gyfweliad am swydd. Os ewch i gyfweliad am swydd yn edrych yn
flêr a heb ddarganfod unrhyw wybodaeth gefndir am y cyflogwr, mae'n debygol na
fyddwch yn cael y swydd. Yn y bôn, mae
pobl sy'n gofyn am dendrau yn eich cyfweld am swydd.’
20 Degrees Consulting
Ltd
www.20degrees.co.uk
Twitter: @20_degrees