HYSBYSIAD O GONTRACT - CENEDLAETHOL

1 Manylion yr Awdurdod

1.1

Enw a Chyfeiriad yr Awdurdod

1.2

Cyfeiriad ar gyfer cael dogfennaeth

1.3

Mae'n rhaid dychwelyd dogfennau wedi'u cwblhau at:

Fel yn I.1

2 Manylion y Contract

2.1

Teitl

Tendr ar gyfer darparu Gwasanaeth Cyngor Pensiwn

2.2

Disgrifiad o'r nwyddau neu'r gwasanaethau sydd eu hangen

Mae S4C yn edrych i apwyntio darparwr gwasanaeth pensiwn yn dechrau 5 Ebrill 2024 i ddarparu’r gwasanaethau a ddisgrifir isod ar draws y tri lleoliad (y “Gwasanaethau”):

2.2.1. darparu’r rhyngwyneb rhwng S4C/ei gweithwyr a’r cynllun grŵp a’i darparwr o bryd i’w gilydd;

2.2.2. delio gyda gweinyddiaeth cynllun grŵp, er enghraifft cofrestru aelodau newydd fel sydd angen gan S4C a darparu iddyn nhw waith papur y cynllun a phrosesi newidiadau i fanylion personol neu gyfarwyddiadau aelod;

2.2.3. cynghori gweithwyr newydd S4C ar eu opsiynau pensiwn a phrosesi unrhyw drosglwyddiadau o’u pensiynau;

2.2.4. darparu cyngor ar fuddsoddiadau i aelodau ar eu dewis o gronfeydd o fewn y cynllun grŵp a phrosesi unrhyw newidiadau;

2.2.5. darparu adolygiadau unigol fel sydd angen, er enghraifft adolygiadau cronfeydd, adroddiadau opsiynau ymddeoliad ac adroddiadau lwfans oes;

2.2.6. cynghori a chynorthwyo aelodau ar eu opsiynau pensiwn pan yn gadael S4C a phrosesi eu opsiynau lle yn berthnasol;

2.2.7. cynghori a chynorthwyo aelodau gyda’u ymddeoliad o S4C, gan gynnwys derbyn a thalu’r budd-daliadau;

2.2.8. darparu diweddariadau rheoleiddiol pensiwn cyffredinol i weithwyr S4C ar faterion a all effeithio nhw;

2.2.9. hysbysu S4C o unrhyw newidiadau rheoleiddiol pensiwn a all effeithio ar S4C, cynghori ar y goblygiadau a chynorthwyo gyda gweithredu unrhyw newidiadau sydd eu hangen;

2.2.10. sicrhau bod y gwaith papur a ddarparwyd i weithwyr S4C yn gyfredol ac yn cydymffurfio â darpariaethau treth a deddfwriaeth;

2.2.11. cynorthwyo aelodau â chwestiynau cyffredinol ynglŷn a’u pensiwn a’u cynorthwyo i ddatrys unrhyw broblemau cysylltiedig;

2.2.12. cynorthwyo S4C i gydymffurfio â’u gofynion cofrestriadau awtomatig; ac

2.2.13. o bryd i’w gilydd, adolygu a meincnodi darparwr y cynllun grŵp, rhoi awgrymiadau i S4C, a chynorthwyo â gweithredu unrhyw newidiadau.

Mae unrhyw gyfeiriad at ‘gyngor’ neu ‘gynghori’ yn y Gwasanaethau uchod yn cyfeirio at wneud awgrymiadau penodol, ffurfiol i aelod a fyddai gyfystyr â chyngor rheoledig yr Awdurdod Ymddygiad Ariannol.

Bydd y gwasanaethau yn cynnwys ymweliadau safle i bob swyddfa S4C o bryd i’w gilydd, gan gynnwys ei swyddfeydd yng Nghaerdydd, Caerfyrddin a Chaernarfon, cynnal cyfarfodydd unigol gydag aelodau S4C, ac hefyd paratoi cyflwyniadau i weithwyr S4C pan yn briodol. Bydd y gwaith papur yn cynnwys adroddiadau unigol ac hefyd pecynnau safonol ar gyfer y cynllun. Bydd y Gwasanaethau hefyd yn cynnwys mynychu cyfarfodydd gyda staff S4C sydd yn gyfrifol am faterion pensiwn S4C.

Ni fydd disgwyl i’r darparwr llwyddiannus gynghori ar y Cynllun Budd Diffiniedig, ond fe all ddealltwriaeth o’r cynllun fod yn ofynnol i allu darparu cyngor cyfannol i aelodau o’r cynllun. I osgoi amheuaeth, ni fydd rhaid i’r darparwr llwyddiannus gynghori ar drosglwyddiadau o’r Cynllun Budd Diffiniedig.

Bydd disgwyl i’r darparwr llwyddiannus gynghori y rhai a fydd yn ymddeol neu yn gadael S4C ar eu opsiynau pensiwn ac ar hawlio eu budd-daliadau, ond fel arall ni fydd disgwyl i chi gynghori unrhyw aelod sydd ddim bellach yn cyflogedig gan S4C.

NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=138925 i gofrestru eich diddordeb yn yr hysbysiad hwn a chael unrhyw wybodaeth ychwanegol.

2.3

Cod a Dosbarthiad yr Hysbysiad

2.4

Cyfanswm maint neu gwmpas y tendr

Bydd y cytundeb am gyfnod o 2 flynedd gyda’r opsiwn i ymestyn am flwyddyn bellach.

3 Amodau ar gyfer Cymryd Rhan

3.1

Safonau gofynnol a'r cymhwyster sydd ei angen

Gwahoddir tendrau gan ddarparwyr sy'n gallu dangos profiad o ddarparu gwasanaeth cynghori pensiwn yn llwyddiannus.

4 Gwybodaeth Weinyddol

4.1

Math o Weithdrefn

Un cam

4.2

Rhif cyfeirnod a roddwyd i'r hysbysiad gan yr awdurdod contractio

N/a

4.3

Terfynau Amser

4.5

Yr iaith neu'r ieithoedd y gellir ei/eu defnyddio i lunio tendrau neu geisiadau i gymryd rhan

4.6

Blwch Postio Cyflwyno Tendrau

5 Gwybodaeth Arall

5.1

Gwybodaeth Ychwanegol

Ni fydd rheidrwydd ar S4C i dderbyn unrhyw dendr ac mae S4C yn cadw’r hawl: (a) i dynnu yn ôl o a/neu roi’r gorau i a/neu ohirio’r broses dendro hon ar unrhyw adeg; a/neu (b) i beidio dyfarnu unrhyw gytundeb o ganlyniad i’r broses dendro hon.

Am ragor o wybodaeth am ofynion a’r broses dendro hon, cyfeiriwch at y Gwahoddiad i Dendro sydd at gael ar wefan S4C (www.s4c.cymru) trwy glicio ar ‘tendrau’ a dilyn y ddolen gyswllt.

Rhaid i gwmnïau sy’n dymuno cymryd rhan yn y tendr hwn gael a chwblhau’r Gwahoddiad i Dendro. Ni fydd ceisiadau nad ydynt yn cael eu cyflwyno yn unol â’r Gwahoddiad i Dendro yn cael eu hystyried.

Mae S4C yn cadw’r hawl i roi’r gorau ddyfarnu’r cytundeb hwn ar unrhyw adeg o’r broses dendro ac i beidio â derbyn unrhyw dendrau a gyflwynwyd.

Rhyddid Gwybodaeth

Mae’r Ddeddf Rhyddid Gwybodaeth (“RhG”) 2000 yn weithredol i S4C. Gall fod gofyn i S4C ddatgelu unrhyw wybodaeth a ddarperir gan unrhyw gwmni i S4C yn unol â’r RhG. Os bydd unrhyw Dendrwr o’r farn bod unrhyw wybodaeth a ddarperir ganddo i S4C yn sgil y gwahoddiad hwn, o natur gyfrinachol neu sensitif yn fasnachol, dylai’r Tendrwr nodi hynny yn benodol gan nodi’r rhesymau dros ystyried y fath wybodaeth yn wybodaeth sensitif. Noder, serch hynny, na fydd nodi bod gwybodaeth yn gyfrinachol neu’n sensitif yn fasnachol yn sicrhau y bydd yn cael ei eithrio rhag ei ddadlennu. Mae S4C yn cadw’r hawl i benderfynu yn ei disgresiwn llwyr os yw unrhyw wybodaeth arbennig wedi ei eithrio rhag ei ddadlennu.

Diogelu Data

Trwy gyflwyno ymateb i’r tendr hwn, mae Tendrwyr yn cadarnhau eu bod wedi rhoi gwybod i bob unigolyn a nodir yng nghyflwyniad y tendr y byddant yn rhannu eu data personol fel hyn. Mae Tendrwyr yn cydnabod y bydd S4C yn prosesu’r holl ddata personol a ddarperir fel rhan o ymateb y tendr yn unol â’r ddeddfwriaeth diogelu data berthnasol (gan gynnwys y Rheoliad Cyffredinol ar Ddiogelu Data 2016 a Deddf Diogelu Data 2018). Mae Hysbysiad Preifatrwydd S4C ar gael yn www.s4c.cymru ac mae Tendrwyr yn cadarnhau trwy hyn y byddant yn hysbysu pob unigolyn y mae eu data personol yn cael ei ddarparu i S4C. Bydd S4C yn prosesu unrhyw ddata personol a ddarperir yn ymatebion y tendr ar y sail ei bod o fudd cyfreithlon i’r Tendrwr ac S4C i brosesu’r holl ddata personol a ddarperir fel rhan o ymateb y tendr at ddiben gwerthuso ymateb y tendr.

(WA Ref:138925)

5.2

Dogfennaeth Ychwanegol

5.3

Dyddiad cyhoeddi'r hysbysiad hwn