Weithdy Adnewyddu Asedau Mawr ym Mhrifysgol Wrecsam

Mae'n bleser cael eich gwahodd i'r Gweithdy Adnewyddu Asedau Mawr fydd yn cael ei gynnal ar 10 Hydref 2024 ym Mhrifysgol Wrecsam.

Mae'r gweithdy hwn yn trafod y ffordd newydd y mae Llywodraeth Cymru am ymdrin â Chynlluniau Adnewyddu Asedau Mawr yn dilyn Adolygiad Lugg, a fydd yn cyd-fynd hefyd ag uchelgeisiau a blaenoriaethau Strategaeth Drafnidiaeth Cymru (WTS). Y nod yw creu system drafnidiaeth gynaliadwy, teg a chydnerth, gydag ymrwymiad i ddatgarboneiddio, hyrwyddo lles a sbarduno twf yr economi.

Bydd ymgynghorwyr, contractwyr a rhanddeiliaid allweddol y diwydiant yn dod ynghyd ar gyfer y gweithdy hwn i ystyried y gwaith Adnewyddu Asedau Mawr sydd yn yr arfaeth a sut i integreiddio'r blaenoriaethau strategol hyn wrth gaffael a chynnal cynlluniau adnewyddu asedau ar y Rhwydwaith Ffyrdd Strategol (SRN) yng Nghymru. Gyda'n gilydd, ein nod yw sicrhau bod arloesedd, cynaliadwyedd a chydweithio yn rhan amlwg o'n holl waith. Rydym yn falch o gyhoeddi y bydd Ysgrifennydd Cabinet Gogledd Cymru a Thrafnidiaeth, Ken Skates AS, hefyd yn bresennol yn y digwyddiad.

Manylion y Gweithdy:

• Dyddiad: 10 Hydref 2024

• Amser: Cofrestru am 9:30am; gweithdy'n dechrau am 10:00am

• Lleoliad: Prifysgol Wrecsam a Hybrid

• Cynulleidfa: Ymgynghorwyr, contractwyr ac arweinwyr diwydiant

• Diben : Ymgysylltu â phob rhan o'r diwydiant i drafod ffyrdd newydd o gynnal cynlluniau Adnewyddu Asedau Mawr.

Uchelbwyntiau'r Agenda:

• Sesiwn y bore: Prif anerchiad gan Matthew Lugg OBE, ac yna cyflwyniadau ac astudiaethau achos am gynlluniau Adnewyddu Asedau Mawr (gan gynnwys y diweddaraf am gynllun Pont Afon Dyfrdwy yr A494 a'r llwybr caffael sy'n cael ei ddatblygu).

• Sesiwn y Prynhawn: Adborth gan ymgynghorwyr a chontractwyr trwy gyflwyniadau ar ffurf Pecha Kucha.

Fel rhan o'r gweithdy, rydym yn gwahodd ymgynghorwyr a chontractwyr i roi cyflwyniadau ar ffurf Pecha Kucha ar y pynciau isod. Bydd y fformat cyflwyno deniadol hwn yn dangos eich arbenigedd gan gadw'r sesiwn yn ddeinamig ac yn berthnasol.

Fformat Cyflwyno Pecha Kucha:

• 15 sleid

• 20 eiliad fesul sleid (Cyfanswm amser: 5 munud)

• Mae'r fformat yn annog cyflwyniadau cryno a thrawiadol ac yn sbarduno trafod ystyrlon a chyfnewid syniadau.

Pynciau posib ar gyfer Ymgynghorwyr:

• Sut gallwn ni ymgorffori datgarboneiddio yn ein tendrau?

• Sut gallwn ni sicrhau bod dyluniadau yn ymgorffori egwyddorion Lugg a Strategaeth Trafnidiaeth Cymru

• Sut gallwn ni sicrhau arbenigedd technegol gan ddefnyddio profiadau'r sefydliad cyfan ac astudiaethau achos?

• Sut gallwn ni yrru arloesedd trwy Adnewyddu Asedau Mawr?

Pynciau posib ar gyfer Contractwyr:

• Sut gallwn ni gynnal llif y traffig wrth weithio ar strwythurau mawr?

• Sut gallwn ni ddenu'r arbenigeddau sydd eu hangen i Gymru i wneud gwaith trwsio cymhleth ar strwythurau?

• Sut gallwn ni leihau carbon wrth wneud y gwaith hwn?

• Sut gallwn ni wobrwyo arloesedd wrth gyflawni gan gydnabod hefyd her y costau?

Anfonwch eich cyflwyniadau Pecha Kucha erbyn dydd Mawrth 8 Hydref at john.bennetts@wsp.com. Sicrhewch fod eich cyflwyniad yn dilyn canllawiau Pecha Kucha er mwyn cadw'r sesiwn yn ddeniadol ac effeithlon. Os oes angen mwy o help arnoch am y fformat, holwch.

Credwn y bydd eich dealltwriaeth a'ch profiadau yn cyfoethogi trafodaethau'r gweithdy yn fawr. Mae hwn yn gyfle pwysig i gydweithio â phobl eraill yn y diwydiant a chyfrannu at ddyfodol caffael a chynnal cynlluniau Adnewyddu Asedau Mawr yng Nghymru.

A fyddech gystal â chadarnhau'ch bod am ddod i'r gweithdy a rhoi cyflwyniad erbyn dydd Mawrth 8 Hydref drwy e-bost at Chris.wynn@gov.wales. Anfonwch y gwahoddiad hwn ymlaen i randdeiliaid perthnasol eraill, yn enwedig ymgynghorwyr a chontractwyr.

Edrychwn ymlaen at eich glywed eich cyfraniad at y drafodaeth bwysig hon.