Mae Floventis
Energy ar flaen y gad wrth drosglwyddo i gynhyrchu pŵer gwyrdd o ynni gwynt
arnofiol ar y môr yn fyd-eang ac ar raddfa fawr. Menter ar y cyd ydyw, rhwng
SBM Offshore, sef arbenigwyr byd-eang mewn ynni arnofiol ar y môr, a Cierco,
sef y cwmni sy’n datblygu prosiectau ynni adnewyddadwy.
Cafodd Floventis y cytundeb ar gyfer lesio
datblygiadau Llŷr yn y Môr Celtaidd gan Ystad y Goron ym mis Gorffennaf 2021.
Roedd hyn yn amodol ar Asesiad Rheoliadau Cynefinoedd. Mae hyn yn caniatáu i
Floventis - fel y datblygwr - i fwrw mlaen ag asesiadau ac arolygon
amgylcheddol, er mwyn sicrhau mynediad at y grid ac i geisio cael caniatâd
cynllunio drwy’r prosesau statudol.
Mae Datblygiadau Llŷr (a elwir yn Llŷr 1 a
Llŷr 2) 31km oddi ar arfordir Sir Benfro, a byddant yn arddangos technoleg ynni
adnewyddadwy glân ar y môr i’r genhedlaeth nesaf, cyn diwydiannu. Byddant yn pweru tua 200,000 o gartrefi gyda
200MW o ynni glân a gwyrdd, unwaith y bydd ar waith erbyn 2027. Gyda gwerth gwariant cyfalaf o tua £800 miliwn,
a’r disgwyl iddo fod ar waith am 25 mlynedd, bydd pob un o brosiectau Llŷr yn
cynnwys rhwng chwech ac wyth tyrbin, a bydd pob un o’r rheini yn fwy na 12MW.
Mae arolygon benthig a geoffisegol bellach
wedi cael eu cwblhau, yn barod ar gyfer cyflwyno Asesiad o’r Effaith
Amgylcheddol yn llawn. Disgwylir i’r ymgynghoriad ddechrau ym mis Mai a bydd
cais cynllunio llawn yn cael ei gyflwyno ddiwedd 2023.
Mae gan Floventis swyddfa yn Noc Penfro, ac mae
wedi ymrwymo i weithio gyda rhanddeiliaid lleol a rhanbarthol er mwyn manteisio
i’r eithaf ar y cyfleoedd i borthladdoedd a busnesau lleol gefnogi economi
gynaliadwy. Mae Floventis yn cael ei gefnogi gan
Busnes
Adnoddau Floventis: Cyflwyniad digwyddiadau ymwybyddiaeth Floventis - Mehefin 2023
Mae
Floventis yn partneru â Catapult Ynni Adnewyddadwy Alltraeth (ORE) i helpu
cwmnïau lleol i wneud cais am waith yn y diwydiant gwynt alltraeth sy'n
arnofio.
Wedi'i
lansio ym mis Medi 2023, bydd y rhaglen ynni adnewyddadwy alltraeth Ffit 4
(F4OR) gyntaf yng Nghymru yn rhoi'r sgiliau a'r arbenigedd i fusnesau Cymru i
sicrhau llwyddiant yn y sector hwn sy'n tyfu'n gyflym. Mae'n rhaglen ddatblygu
benodol ar gyfer y diwydiant gwynt sy'n arnofio sydd wedi'i chynllunio gan
arbenigwyr y diwydiant. Bydd Floventis yn darparu mewnwelediad technegol a
marchnad i'r rhai sy'n cymryd rhan.
Bydd
y rhaglen F4OR yn cael ei chyflwyno fesul cam gan ddechrau yn 2024, gyda
charfan gychwynnol o dri chwmni. Anogir ceisiadau gan gwmnïau sydd â mwy na deg
o weithwyr a/neu sydd â throsiant o fwy na £1 miliwn, gyda chynnyrch neu
sgiliau sy'n berthnasol i'r sector gwynt ar y môr.
Am
fwy o wybodaeth ewch i F4OR –
ORE (catapult.org.uk).