HYSBYSIAD O GONTRACT - CENEDLAETHOL

1 Manylion yr Awdurdod

1.1

Enw a Chyfeiriad yr Awdurdod

1.2

Cyfeiriad ar gyfer cael dogfennaeth

1.3

Mae'n rhaid dychwelyd dogfennau wedi'u cwblhau at:

2 Manylion y Contract

2.1

Teitl

Gwerthuso'r Cwtsh Creadigol

2.2

Disgrifiad o'r nwyddau neu'r gwasanaethau sydd eu hangen

Cafodd y Cwtsh Creadigol ei greu fel ymateb uniongyrchol i'r pandemig a'r effaith yr oedd yn ei chael ar staff gofal iechyd a oedd yn delio â phwysau gwaith wrth y talcen caled a oedd yn arwain at flinder, colli’r awydd i gario ymlaen a straen difrifol. Mewn ymgynghoriad â'n partneriaid o fewn Iechyd a Gofal Cymdeithasol, a chan weithio gydag amrywiaeth eang o artistiaid ar draws Cymru, datblygodd Cyngor y Celfyddydau adnoddau llesiant creadigol pwrpasol ac ar-lein ar gyfer y gweithlu Gofal Iechyd yng Nghymru.

 Adnoddau dwyieithog ar-lein yw’r Cwtsh Creadigol sydd wedi'i gymeradwyo gan Wella Addysg Iechyd Cymru.

 Mae wedi'i ysbrydoli gan gorff cynyddol o dystiolaeth sy'n dangos yr effaith gadarnhaol y gall y celfyddydau ei chael ar ein hiechyd meddwl a'n lles.

 Mae'r Cwtsh Creadigol yn llawn gweithgareddau hwyliog ac yn gwahodd cydweithwyr iechyd a gofal cymdeithasol i droi cefn am eiliad ar eu gwaith, darganfod eu creadigrwydd a manteision lles.

Mae'r adnoddau unigryw a gafodd eu creu, mewn ymgynghoriad â Gwella Addysg Iechyd Cymru a Gofal Cymdeithasol Cymru, yn cynnwys gweithgareddau byrion gan rai o artistiaid blaenllaw Cymru. Ei nod yw rhoi hwb i iechyd a lles drwy'r celfyddydau gan gynnig ychydig o ysbrydoliaeth a hwyl, cysur, cyfle i ymlacio a dod at eich coed eto. Mae gweithgareddau yn amrywio o beintio portreadau ac ysgrifennu creadigol i archwilio natur, dawnsio Bollywood, canu, tynnu ffotos, jyglo ac animeiddio. Mae'r holl gynnwys ar fideo ac mae mynediad ato’n rhad ac am ddim.

I gael gwybod rhagor, ewch i cwtshcreadigol.cymru

4. Yr esboniad

Rydym yn bwriadu comisiynu gwerthusiad o'r Cwtsh Creadigol. Ddwy flynedd ers ei datblygu’n gyntaf, rydym am asesu i ba raddau y mae'n cyflawni ei nod o gefnogi lles gweithlu gofal iechyd Cymru. Yn benodol, rydym am ddarganfod:

- sut mae'r adnoddau ar-lein hyn yn cael eu defnyddio gan staff sy'n gweithio yn y GIG a Gofal Cymdeithasol yng Nghymru a'r manteision a'r effaith y mae'n eu cael ar eu lles

- ble a sut mae'r gynulleidfa'n defnyddio'r wefan

- proffil demograffig y defnyddwyr

- pa mor gyfarwydd yw’r gweithlu ag ef ac i ba raddau mae’n hysbys yn eu plith

- ffactorau sy'n atal staff rhag defnyddio'r Cwtsh Creadigol

- profiad y defnyddwyr a sut y gellid ei wella

- gwerth y cynnwys a gomisiynwyd gan y prosiect i staff gofal iechyd a pha gynnwys sy'n apelio fwyaf at y defnyddwyr a beth sy'n llai llwyddiannus a llai defnyddiol

- syniadau ar gyfer datblygu cynnwys yn y dyfodol yn seiliedig ar adborth, anghenion a gofynion y defnyddwyr

- beth mae’r defnyddwyr yn ei feddwl am frand a hunaniaeth y Cwtsh Creadigol

Rydym yn disgwyl i'r gwerthusiad roi data meintiol ac ansoddol i gefnogi ei ganfyddiadau. Rydym yn rhagweld y bydd grwpiau ffocws o ddefnyddwyr yn elfen bwysig o'r gwaith.

Dylai'r gwerthusiad hefyd archwilio a oes galw ym maes Iechyd a Gofal Cymdeithasol am gynnal yr adnoddau i gefnogi lles staff yn y tymor hwy a sut olwg y gallai fod ar fodel ariannol cynaliadwy yn y dyfodol.

Byddwn yn defnyddio canfyddiadau ac argymhellion y gwerthusiad i lywio ein strategaeth yn y dyfodol mewn perthynas â'r Cwtsh Creadigol. Byddwn hefyd yn ei ddefnyddio i lywio ein proses o gomisiynu cynnwys a dylunio a datblygu gwefannau yn y dyfodol.

NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=128484 i gofrestru eich diddordeb yn yr hysbysiad hwn a chael unrhyw wybodaeth ychwanegol.

Mae'r awdurdod dyfarnu wedi nodi y bydd yn derbyn ymatebion electronig i'r hysbysiad hwn drwy'r cyfleuster 'Blwch Postio Cyflwyno Tendrau'. Mae rhagor o fanylion am y cyfleuster hwn ar gael yn https://www.sell2wales.gov.wales/sitehelp/help_guides.aspx.

Cynghorir cyflenwyr i ganiatáu digon o amser i lanlwytho dogfennau ac anfon yr ymateb electronig ymhell cyn yr amser cau er mwyn osgoi unrhyw broblemau munud olaf.

2.3

Cod a Dosbarthiad yr Hysbysiad

2.4

Cyfanswm maint neu gwmpas y tendr

hyd £20,000 (eithrio TAW) cytundeb 6 mis

3 Amodau ar gyfer Cymryd Rhan

3.1

Safonau gofynnol a'r cymhwyster sydd ei angen

Bydd ceisiadau llwyddiannus yn rhoi tystiolaeth argyhoeddiadol o'r canlynol:

• Hanes cryf o werthuso prosiectau ar raddfa debyg o fewn lleoliadau'r GIG a Gofal Cymdeithasol.

• Sgiliau rheoli prosiectau cryf a hanes o gynnal prosiectau tebyg yn ôl amserlen a chan gadw at y gyllideb.

• Gwybodaeth a phrofiad o ddefnyddio amrywiaeth o fethodolegau ymchwil.

• Sgiliau rhwydweithio a chyfathrebu llafar hynod ddatblygedig a'r gallu i berswadio staff prysur i gynnig adborth

• Dull dychmygus o gynnal gwerthusiad ac ymchwil o fewn systemau GIG a gofal cymdeithasol sy'n dangos ymwybyddiaeth o'r problemau o’i wneud ymhlith defnyddwyr mewn amgylcheddau mor gymhleth a phrysur ac sy'n cynnig atebion i’r anawsterau.

• Y gallu i ddechrau'r gwaith yn gyflym ac i weithio'n ddwys i gyflawni’r gwaith cyn y dyddiad cau.

• Cynnig sy'n cynrychioli gwerth da am arian.

• Y sgiliau yn eich tîm i allu gwerthuso adnoddau dwyieithog ac ymgysylltu â grwpiau o ddefnyddwyr Cymraeg

4 Gwybodaeth Weinyddol

4.1

Math o Weithdrefn

Un cam

4.2

Rhif cyfeirnod a roddwyd i'r hysbysiad gan yr awdurdod contractio

N/a

4.3

Terfynau Amser

4.5

Yr iaith neu'r ieithoedd y gellir ei/eu defnyddio i lunio tendrau neu geisiadau i gymryd rhan

4.6

Blwch Postio Cyflwyno Tendrau

5 Gwybodaeth Arall

5.1

Gwybodaeth Ychwanegol

(WA Ref:128484)

5.2

Dogfennaeth Ychwanegol

5.3

Dyddiad cyhoeddi'r hysbysiad hwn