HYSBYSIAD O GONTRACT - CENEDLAETHOL

1 Manylion yr Awdurdod

1.1

Enw a Chyfeiriad yr Awdurdod

1.2

Cyfeiriad ar gyfer cael dogfennaeth

1.3

Mae'n rhaid dychwelyd dogfennau wedi'u cwblhau at:

2 Manylion y Contract

2.1

Teitl

Adnodd Llwybrau Gyrfaol Realiti Estynedig (XR)

2.2

Disgrifiad o'r nwyddau neu'r gwasanaethau sydd eu hangen

Cyflwyniad

Mae Prosiect Modiwlau Gyrfaol Realiti Estynedig (XR) yn fenter gydweithredol rhwng Gofalwn Cymru, y Tîm Datblygu Ymarfer yng Nghyngor Sir Powys, y Ffrwd Waith Recriwtio a Chadw yn Rhanbarth Gorllewin Cymru (sy’n cwmpasu Awdurdodau Lleol Sir Gaerfyrddin, Ceredigion a Sir Benfro), a’r cyflenwr fydd yn ennill y contract hwn.

Cefndir

Ar hyn o bryd, mae’r sectorau gofal cymdeithasol a gofal plant yn wynebu heriau sylweddol o ran ymgysylltu â phobl ifanc a’u recriwtio. Yn aml, mae dulliau traddodiadol o hyrwyddo gyrfa yn cael trafferth denu myfyrwyr ysgol uwchradd neu gyfleu dyfnder ac effaith rolau yn y meysydd hanfodol hyn. Mae angen cynyddol am ddulliau blaengar, deniadol, sy’n darparu cipolwg realistig, ysbrydoledig i yrfaoedd mewn gofal cymdeithasol a gofal plant.

Bydd Prosiect Modiwlau Gyrfaoedd Realiti Estynedig yn darparu adnodd blaengar a phwrpasol ar gyfer Gofalwn Cymru, Cyngor Sir Powys a Chyngor Sir Caerfyrddin, gan wella ansawdd, cysondeb ac apêl ymdrechion hyrwyddo gyrfaoedd. Trwy fanteisio ar dechnoleg realiti estynedig, nod y prosiect yw gwella ansawdd, cysondeb ac apêl ymdrechion hyrwyddo gyrfa. Bydd y prosiect yn cynnig profiad ymarferol ysgogol i fyfyrwyr sy’n adeiladu ymwybyddiaeth o yrfa, yn meithrin empathi a datblygu sgiliau, ac yn dyfnhau eu dealltwriaeth o heriau’r byd go iawn a buddion sy’n gysylltiedig â gyrfaoedd gofal cymdeithasol a gofal plant.

Nodau ac amcanion

Nod y prosiect yw gwella sut caiff pobl ifanc eu denu a’u recriwtio i yrfaoedd yn y sectorau gofal cymdeithasol, iechyd a gofal plant gan ddefnyddio grym technoleg realiti estynedig. Trwy ddatblygu modiwlau trochol a rhyngweithiol, nod y prosiect yw cefnogi llwybr gyrfaol clir i fyfyrwyr o Flwyddyn 7 i Flwyddyn 12.

Amcanion y prosiect yw:

- Gwella Ymwybyddiaeth Gyrfaol: Defnyddio technoleg realiti estynedig i greu modiwlau trochol a rhyngweithiol sy’n rhoi dealltwriaeth realistig i fyfyrwyr o yrfaoedd yn y sectorau gofal cymdeithasol a’r blynyddoedd cynnar a gofal plant i’w helpu i ddelweddu a gwerthfawrogi’r rolau a’r cyfrifoldebau cysylltiedig.

- Cynyddu Ymgysylltiad: Datblygu senarios hyfforddiant difyr, priodol i oedran, sy’n cipio sylw myfyrwyr ysgol uwchradd ac yn eu hannog i gymryd rhan yn weithgar er mwyn gwneud y profiad dysgu yn bleserus ac yn gofiadwy.

- Hyrwyddo Datblygiad Sgiliau: Darparu senarios realistig sy’n caniatáu i fyfyrwyr ymarfer a datblygu sgiliau hanfodol sy’n ofynnol mewn gofal cymdeithasol a gofal plant, fel empathi, cyfathrebu a datrys problemau, mewn amgylchedd diogel a rheoledig.

- Dysgu Trochol: Ymgysylltu â senarios realistig sy’n adlewyrchu heriau a chyfrifoldebau dyddiol pob rôl.

- Safoni Gwybodaeth Gyrfaol: Sicrhau gwybodaeth gyson a chywir am yrfaoedd gofal cymdeithasol a’r blynyddoedd cynnar a gofal plant ar draws pob modiwl, gan helpu myfyrwyr i wneud penderfyniadau gwybodus am eu llwybrau gyrfaol yn y dyfodol.

- Cefnogi Dysgu Parhaus: Hwyluso dysgu ac archwilio parhaus trwy ddarparu mynediad i fodiwlau realiti estynedig y gellir mynd yn ôl atynt, fel y bo angen. Bydd hyn yn caniatáu i fyfyrwyr ddyfnhau eu dealltwriaeth o yrfaoedd gofal cymdeithasol a gofal plant, a’u diddordeb ynddynt.

- Gwella Sgiliau Digidol: Gwella cymhwysedd, hyder a sgiliau digidol myfyrwyr trwy eu hymgysylltiad â thechnoleg realiti estynedig, gan eu paratoi nhw ar gyfer y defnydd cynyddol o offer digidol mewn amrywiol broffesiynol.

- Cynyddu Empathi a Dealltwriaeth: Cynyddu dealltwriaeth myfyrwyr o’r heriau y mae unigolion a theuluoedd sydd angen gofal cymdeithasol yn eu hwynebu i helpu chwalu’r rhwystrau rhag ymgysylltu a meithrin empathi a thrugaredd

- Llwybrau Gyrfaol: Ysbrydoli a hysbysu’r rhai sy’n ystyried gyrfa mewn Gofal Cymdeithasol, gan eu hysbysu am wahanol lwybrau ac opsiynau hyfforddiant i ategu eu dewisiadau gyrfaol.

Gweler Manyleb am fwy o wybodaeth

NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=151900 i gofrestru eich diddordeb yn yr hysbysiad hwn a chael unrhyw wybodaeth ychwanegol.

Mae'r awdurdod dyfarnu wedi nodi y bydd yn derbyn ymatebion electronig i'r hysbysiad hwn drwy'r cyfleuster 'Blwch Postio Cyflwyno Tendrau'. Mae rhagor o fanylion am y cyfleuster hwn ar gael yn https://www.sell2wales.gov.wales/sitehelp/help_guides.aspx.

Cynghorir cyflenwyr i ganiatáu digon o amser i lanlwytho dogfennau ac anfon yr ymateb electronig ymhell cyn yr amser cau er mwyn osgoi unrhyw broblemau munud olaf.

2.3

Cod a Dosbarthiad yr Hysbysiad

2.4

Cyfanswm maint neu gwmpas y tendr

Cyllideb

Mae yna gyllideb o £27,000 (yn cynnwys unrhyw TAW perthnasol) wedi’i gytuno ar gyfer y cais am dyfynbris hwn.

Bydd y Cyflenwr yn darparu manylion ariannol llawn o’r costau sy’n gysylltiedig â’r prosiect i’w hystyried trwy’r broses werthuso.

Rhaid cyflwyno dyfynbrisiau mewn punt sterling a nodi’n glir a fyddwch yn codi TAW neu beidio.

Hyd y contract

Bydd y contract yn rhedeg i ddechrau o 30 Mehefin tan 3 Tachwedd 2025 (Cam 1), gyda phosililrwydd o gael ei ymestyn am 12 mis, hyd at 31 Hydref 2026 (Cam 2).

3 Amodau ar gyfer Cymryd Rhan

3.1

Safonau gofynnol a'r cymhwyster sydd ei angen

4 Gwybodaeth Weinyddol

4.1

Math o Weithdrefn

Un cam

4.2

Rhif cyfeirnod a roddwyd i'r hysbysiad gan yr awdurdod contractio

N/a

4.3

Terfynau Amser

4.5

Yr iaith neu'r ieithoedd y gellir ei/eu defnyddio i lunio tendrau neu geisiadau i gymryd rhan

4.6

Blwch Postio Cyflwyno Tendrau

5 Gwybodaeth Arall

5.1

Gwybodaeth Ychwanegol

Hawliau Eiddo Deallusol

Ar ôl cwblhau Cam 1, bydd yr holl hawliau eiddo deallusol a pherchnogaeth ar y modiwlau realiti estynedig terfynol a gynhyrchir yn cael eu trosglwyddo’n llawn i Gofalwn Cymru. Bydd y cyflenwr yn neilltuo ac yn ildio unrhyw a phob hawl, teitl a budd yn yr adnoddau gorffenedig, gan gynnwys, ond heb fod yn gyfyngedig i, hawlfreintiau a hawliau cysylltiedig, i Gofalwn Cymru.

Gofynion Hygyrchedd

Mae’n rhaid i’r cyflenwr sicrhau:

- Bod fformat y modiwl terfynol yn hygyrch ar gyfarpar safonol ysgol/coleg (Windows PC, Chromebooks, a llechi, lle bo’n bosibl), yn ogystal ag ar bensetiau realiti estynedig.

- Cadw at gofynion defnyddiwr hygyrchedd XR( XR Accessibility User Requirements )

- Fersiynau bwrdd gwaith y mae’n bosibl gweithio drwyddynt yn llwyr ar fysellfyrddau.

- Bod delweddau cyferbynnedd uchel a meintiau testun addasadwy yn cael eu defnyddio ar fersiynau bwrdd gwaith i gefnogi myfyrwyr ag amhariadau ar y golwg.

- Eu bod yn osgoi cynnwys sy’n fflachio, a allai ysgogi ffitiau.

- Bod profiadau’n cael eu dylunio i leihau’r angen am weithredoedd corfforol cyflym neu gymhleth (dylid ystyried gosodiadau hygyrch i fyfyrwyr â symudedd cyfyngedig).

- Bod profiadau’n cael eu dylunio gyda chysur defnyddwyr mewn golwg, gan ymgorffori nodweddion fel opsiynau ymsymud addasadwy (e.e. telegludiad yn hytrach na symud llyfn), llinellau gorwel sefydlog a bod y camera’n siglo cyn lleied â phosibl i leihau risg salwch symud.

- Bod modiwlau yn glir, yn syml ac yn rhydd rhag cymhlethdod diangen.

Gofynion Dwyieithog

Mae’n rhaid i’r cyflenwr sicrhau:

- Bod yr holl gynnwys ar gael yn gyfartal yn y Gymraeg a’r Saesneg, gan gynnwys sain wedi’i recordio’n llawn a’r holl gyfarwyddiadau, penawdau a dogfennaeth ategol.

- Ni ellir colli elfennau ymarferol, nodweddion na safon rhwng y fersiynau Cymraeg a Saesneg.

- Bod rhaid cynhyrchu’r holl gyfieithiadau Cymraeg yn broffesiynol – nid â pheiriant – yn unol â’r gofynion a amlinellir yn adran 5.1.

- Bod profiad cyfartal yn cael ei ddarparu yn Gymraeg a Saesneg ar draws realiti estynedig, y bwrdd gwaith a’r deunyddiau hyfforddiant, heb gyfaddawdu ar safon na phrofiad y defnyddiwr yn y naill iaith na’r llall.

(WA Ref:151900)

Mae'r prynwr yn ystyried bod y contract hwn yn addas ar gyfer ceisiadau consortia.

5.2

Dogfennaeth Ychwanegol

5.3

Dyddiad cyhoeddi'r hysbysiad hwn