HYSBYSIAD O GONTRACT - CENEDLAETHOL

1 Manylion yr Awdurdod

1.1

Enw a Chyfeiriad yr Awdurdod

1.2

Cyfeiriad ar gyfer cael dogfennaeth

1.3

Mae'n rhaid dychwelyd dogfennau wedi'u cwblhau at:

2 Manylion y Contract

2.1

Teitl

Corsydd Calon Môn - Aolwg mynediad a strwythurol ardal y prosiect

2.2

Disgrifiad o'r nwyddau neu'r gwasanaethau sydd eu hangen

Mae partneriaeth Corsydd Calon Môn (CCM) yn chwilio am ymgynghorydd neu sefydliad profiadol i gynnal asesiad arolwg mynediad a strwythurol. Bydd y gwaith hwn yn helpu i lywio a chefnogi gwelliannau i fynediad a seilwaith ar ac o amgylch safleoedd Corsydd Ynys Môn fel rhan o ail gam arfaethedig CCM. Bydd yr awgrymiadau wedi'u costio yn yr adroddiad yn helpu i wella’r cysylltedd rhwng y safleoedd, cymunedau cyfagos a llwybrau teithio llesol, a bydd yn sail i gam cyflawni Corsydd Calon Môn.

Gellir dod o hyd i ragor o wybodaeth am Gorsydd Calon Môn, gan gynnwys map o ardal y prosiect, yma:

https://www.northwaleswildlifetrust.org.uk/widerlandscape/corsydd-calon-mon

Mae Corsydd Calon Môn a'r comisiwn hwn wedi'u gwneud yn bosibl diolch i Gronfa Dreftadaeth y Loteri Genedlaethol ac Esmée Fairbairn Foundation. Diolch i chwaraewyr y Loteri Genedlaethol, rydym wedi gallu comisiynu'r gwaith hwn.

NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=156838 i gofrestru eich diddordeb yn yr hysbysiad hwn a chael unrhyw wybodaeth ychwanegol.

Mae'r awdurdod dyfarnu wedi nodi y bydd yn derbyn ymatebion electronig i'r hysbysiad hwn drwy'r cyfleuster 'Blwch Postio Cyflwyno Tendrau'. Mae rhagor o fanylion am y cyfleuster hwn ar gael yn https://www.sell2wales.gov.wales/sitehelp/help_guides.aspx.

Cynghorir cyflenwyr i ganiatáu digon o amser i lanlwytho dogfennau ac anfon yr ymateb electronig ymhell cyn yr amser cau er mwyn osgoi unrhyw broblemau munud olaf.

2.3

Cod a Dosbarthiad yr Hysbysiad

2.4

Cyfanswm maint neu gwmpas y tendr

Cwblhau arolwg mynediad a strwythurol o lwybrau cerddwyr a theithio llesol yn ardal prosiect Corsydd Calon Môn. Archwilio cyfleoedd i ymestyn llwybrau cylch, gorgyffwrdd â llwybrau presennol (e.e. Lôn Las Cefni a Llwybr yr Arfordir) gyda llwybrau ar a rhwng y 3 phrif gors yn ardal ein prosiect (Cors Goch, Cors Erddreiniog a Chors Bodeilio).

Archwilio cysylltiadau â nodweddion daearyddol tirnod o fewn y "dalgylch" CCM (e.e. Llyn Cefni a Mynydd Bodafon); safleoedd corsydd neu wlybdir eraill (e.e. Waun Eurad a Chors Ddyga); yn ogystal â chanolfannau poblogaeth (e.e. Benllech, Pentraeth a Moelfre).

Creu adroddiad dwyieithog yn tynnu sylw at opsiynau ar gyfer datblygu, i gynnwys y canlynol:

• Hawliau tramwy cyhoeddus allweddol presennol, llwybrau caniataol a reolir gan CNC, cysylltiadau â chymunedau o fewn 2 filltir i safleoedd cors allweddol, gan gynnwys arolwg cyflwr.

• Ymgysylltu â'r gymuned (gan gysylltu ag arweinydd ymgysylltu â'r gymuned CCM) i archwilio pa lwybrau cyfredol y mae pobl yn eu defnyddio a pham, pa mor bell maen nhw'n mynd, pe baem yn creu llwybr cylch, a fyddai pobl yn ei ddefnyddio? Ac ati.

• Ymgysylltu â rhanddeiliaid perthnasol e.e. crwydrwyr, sefydliadau cymunedol, Merched y Wawr ac ati.

• Mapio perchnogaeth tir lle bo hynny'n berthnasol i lwybrau arfaethedig.

• Awgrymu cyfleoedd ar gyfer opsiynau cysylltedd ecolegol (dad-ddarnio) a fyddai'n gweithio ochr yn ochr â chysylltedd mynediad.

• Cwmpas wedi'i gostio ar gyfer gwelliannau i'r seilwaith presennol, a llwybrau newydd a / neu gysylltiedig posibl.

• Gweithio yn ôl canllawiau ‘By All Reasonable Means’ y Sensory Trust ac archwilio'r potensial ar gyfer model arfer gorau ar gyfer safleoedd Gwlybdiroedd

By All Reasonable Means Guidance, Sensory Trust

Outdoor Accessibility Guidance, Countryside for All gynt, gan y Sensory Trust a Paths for All

• Nodi llwybrau a fyddai'n hygyrch i ddefnyddwyr offer addasol:

Cyfoeth Naturiol Cymru / Llwybrau i ddefnyddwyr offer addasol

• Dylai'r holl waith a awgrymir fodloni'r Safonau Ansawdd ar gyfer Llwybrau Cenedlaethol a Llwybr Arfordir Cymru:

https://cdn.cyfoethnaturiol.cymru/681873/nt-wcp-standards-2016-v31.pdf

• Nodi llwybrau sy'n hygyrch 12 mis y flwyddyn a chynnwys pwyntiau o ddiddordeb a fydd yn annog gwell dealltwriaeth o safleoedd y corsydd.

• Nodi ble byddai angen seilwaith ychwanegol (e.e. pontydd, giatiau, arwyddion, parcio).

• Datrysiadau wedi'u costio ar gyfer llwybrau seilwaith tymor hir gyda lefel isel o gynnal a chadw.

• Matrics o opsiynau posibl, gyda chamau gweithredu wedi'u blaenoriaethu ar amserlen a awgrymir:

o Tymor byr e.e. cysylltiadau a dolenni allweddol y gellir eu creu drwy uwchraddio hawliau tramwy cyhoeddus a / neu briffyrdd bach;

o Tymor canolig e.e. teithio llesol, seilwaith, arwyddion;

o Tymor hwy e.e. gorchmynion creu hawliau tramwy, addasiadau map, dargyfeiriadau.

• Cysylltiadau wedi'u nodi â llwybrau proffil uchel eraill a hyrwyddir, treftadaeth, llecynnau gwyrdd a chanolfannau trefol e.e. Lôn Las Cefni, Llwybr yr Arfordir, Llyn Cefni, Nant yr Odyn, Oriel Môn, Mynydd Bodafon, Llangefni ac ati.

• Cofrestr risg prosiect, gan gynnwys canlyniadau anfwriadol llwybrau neu newidiadau arfaethedig.

• Cynllun ar gyfer monitro llwybrau'n barhaus, gan gynnwys lleoli cyfrifyddion ymwelwyr.

3 Amodau ar gyfer Cymryd Rhan

3.1

Safonau gofynnol a'r cymhwyster sydd ei angen

Dylai ymgeiswyr fod â’r canlynol:

• Gwybodaeth dda am seilwaith gwlybdiroedd a chefn gwlad presennol.

• Profiad o asesiadau mynediad neu seilwaith tebyg, yn ddelfrydol mewn lleoliadau cadwraeth neu wlybdiroedd.

• Dealltwriaeth glir o bolisi, deddfwriaeth a safonau technegol perthnasol.

• Dull ystyriol a systematig o reoli asedau a risg, gan ddeall heriau cylch bywyd a chynnal a chadw asedau yn amgylchedd y corsydd.

Bydd angen i ymgeiswyr gyflawni’r canlynol:

• Cwblhau'r gwaith rhwng mis Tachwedd 2025 a diwedd mis Chwefror 2026.

• Darparu 2 enghraifft o waith blaenorol.

• Cyfathrebu'n glir â chynulleidfaoedd amrywiol a gweithio gydag amrywiaeth o randdeiliaid.

• Cynhyrchu adroddiadau clir a chryno sy'n dehongli data technegol, meintiol ac ansoddol cymhleth.

• Mynychu sesiynau diweddaru rheolaidd gyda thîm cyflawni'r prosiect.

• Darparu prawf o indemniad proffesiynol ac yswiriant atebolrwydd cyhoeddus.

I wneud cais, cyflwynwch gynnig amlinellol yn tynnu sylw at eich dull o weithio gyda'r comisiwn, profiad perthnasol, a 2 enghraifft o leiaf o waith blaenorol. Cofiwch gynnwys dadansoddiad o’r costau.

4 Gwybodaeth Weinyddol

4.1

Math o Weithdrefn

Un cam

4.2

Rhif cyfeirnod a roddwyd i'r hysbysiad gan yr awdurdod contractio

CCM003.1Cym

4.3

Terfynau Amser

4.5

Yr iaith neu'r ieithoedd y gellir ei/eu defnyddio i lunio tendrau neu geisiadau i gymryd rhan

4.6

Blwch Postio Cyflwyno Tendrau

5 Gwybodaeth Arall

5.1

Gwybodaeth Ychwanegol

I wneud cais, cyflwynwch gynnig amlinellol yn tynnu sylw at eich dull o weithio gyda'r comisiwn, profiad perthnasol, a 2 enghraifft o leiaf o waith blaenorol. Cofiwch gynnwys dadansoddiad o’r costau.

(WA Ref:156838)

5.2

Dogfennaeth Ychwanegol

5.3

Dyddiad cyhoeddi'r hysbysiad hwn