Safonau gofynnol a'r cymhwyster sydd ei angen
Bydd y broses benodi yn cael ei chynnal trwy werthusiad ysgrifenedig o’r tendr a chyfweliad neu gyflwyniad. Bydd y tri chais â'r sgor uchaf yn mynd ymlaen i gyflwyniad cam 2. Bydd cwestiynau yn cael eu rhoi i'r tri chyflenwr cyn y cyflwyniad, bydd 50% o'r marciau a enillwyd yn yr adran ansawdd yng ngham un yn cael eu cario drosodd i'r sgôr terfynol. Rhoddir 50% o gyfanswm y sgôr ansawdd i’r cyflwyniad. Bydd y sgôr dyfarnu yn cynnwys 30% ar gyfer y pris cychwynnol, 50% o sgôr ansawdd cam 1 a 50% o sgôr ansawdd cam dau.
Rhaid i'r tendrwyr gyflwyno ymatebion i'r cwestiynau canlynol:
Adran 1: Pris a Chynnig Masnachol 30%
Cwestiwn 1 25%
Darparwch gynnig pris sefydlog clir ar gyfer blwyddyn gyntaf yr archwilio yn seiliedig ar 35 diwrnod archwilio yn eich pris, gan gynnwys cyfraddau dyddiol yn ôl gradd, rhagdybiaethau, unrhyw brisiau estyniad opsiynol. Rhaid i'r cynnig masnachol gynnwys yr holl dreuliau a thaliadau.
Diwrnod safonol yw 7.5 awr waith.
Rhaid i'r gyfradd ddyddiol fod yn gwbl gynhwysol ac yn cynnwys yr holl dreuliau megis teithio, parcio, cinio, offer, deunyddiau a thaliadau ac ati, ond heb gynnwys TAW.
Rhaid i'r gyfradd ddyddiol gynnwys costau ar gyfer amser rheolwyr/partneriaid er mwyn mynychu cyfarfodydd misol a chwarterol a mynychu'r Pwyllgor Llywodraethu ac Archwilio os oes angen.
Bydd y sgôr pris yn cael ei ddyfarnu ar sail cyfanswm cost yr archwiliad 35 diwrnod blwyddyn gyntaf. Bydd y cyfraddau fesul awr ar gyfer mathau o staff yn y contract yn cael eu gosod ar y cyfraddau a fanylir yng nghostau'r flwyddyn gyntaf ac yn cynyddu yn ôl y cynnydd canrannol blynyddol y cytunwyd arno
Cwestiwn 2 – Cynnydd Canrannol Blynyddol ar gyfer Blynyddoedd Contract 2, 3, 4 a 5 – 5%
Nodwch y cynnydd canrannol uchaf a fydd yn cael ei gymhwyso i'r cyfraddau dyddiol sefydlog a'r pris contract blynyddol ar gyfer pob blwyddyn contract ddilynol ar ôl Blwyddyn 1.
Rhaid i dendrwyr lenwi'r tabl isod:
Blwyddyn y contract Uchafswm cynnydd canrannol
Blwyddyn 2 ___ %
Blwyddyn 3 ___ %
Blwyddyn estyniad opsiynol 4+5 , os yw'n berthnasol ___ %
Bydd y tendr â'r cynnydd cost canrannol isaf cronedig dros y 5 mlynedd posibl yn cael y marc uchaf, sef 5. Bydd pob cynnydd canrannol arall yn cael ei sgorio'n gymesur. Rhaid i'r cynnydd canrannol a gyflwynir fod yn sefydlog a rhaid iddo gynnwys yr holl gynnydd chwyddiant, cyflog, gorbenion, teithio, gweinyddol a chostau eraill a ragwelir. Ni chaniateir unrhyw gynnydd blynyddol ychwanegol oni bai bod Gyrfa Cymru wedi cytuno i hynny yn ysgrifenedig.
Adran 2: Ansawdd ac Ymateb Technegol
Atebwch y canlynol:
Profiad perthnasol o weithio yn y sector cyhoeddus - hyd at 500 gair
Disgrifiwch eich profiad o ddarparu gwasanaethau archwilio mewnol i gyrff sector cyhoeddus o faint, cymhlethdod ac amgylchedd llywodraethu tebyg. Dylai eich ymateb gynnwys enghreifftiau o waith gyda sector cyhoeddus Cymru, cyrff hyd braich, cyrff a noddir, addysg, sgiliau, gyrfaoedd, neu sefydliadau cyngor lle bo'n berthnasol.
Profiad a pharhad tîm - hyd at 500 gair
Rhowch fanylion am y tîm archwilio arfaethedig, gan gynnwys rolau, cymwysterau, profiad yn y sector cyhoeddus, a threfniadau ar gyfer parhad staff dros gyfnod y contract.
Dull Cynllunio Archwilio ac Asesu Risg - hyd at 500 gair
Disgrifiwch eich dull o baratoi strategaeth archwilio mewnol sy'n seiliedig ar risg a chynllun archwilio blynyddol. Dylai eich ymateb esbonio sut fyddech chi'n ymgysylltu ag uwch reolwyr, y Pwyllgor Archwilio a Risg, archwilwyr allanol a darparwyr sicrwydd eraill.
Cydymffurfiaeth â Safonau - hyd at 500 gair
Esboniwch sut fydd eich gwasanaeth arfaethedig yn cydymffurfio â'r Safonau Archwilio Mewnol Byd-eang, Nodyn Cais Sector Cyhoeddus y DU ac unrhyw ofynion archwilio mewnol perthnasol y sector cyhoeddus. Hefyd, esboniwch sut fyddwch chi'n cynnal annibyniaeth, gwrthrychedd a safonau proffesiynol gydol y contract.
Methodoleg Archwilio - hyd at 500 gair
Disgrifiwch eich methodoleg ar gyfer cyflwyno adolygiadau archwilio mewnol unigol, o gwmpasu i waith maes, adrodd, cytuno ar gamau gweithredu a gwaith dilynol. Nodwch sut rydych chi'n sicrhau bod canfyddiadau'n seiliedig ar dystiolaeth, yn gymesur ac yn ddefnyddiol i reolwyr.
Cynaliadwyedd - hyd at 500 gair
Mae Gyrfa Cymru yn disgwyl i gyflenwyr gefnogi datblygu cynaliadwy, gwerth cymdeithasol, gwaith teg a chaffael sy'n gyfrifol yn amgylcheddol. Dylai tendrwyr esbonio sut mae'r egwyddorion hyn wedi'u hymwreiddio yn eu sefydliad a sut y byddant yn adlewyrchu hynny wrth gyflwyno'r gwasanaeth archwilio mewnol, gan gynnwys teithio, gweithio'n digidol, arferion gweithlu ac ymgysylltu â Gyrfa Cymru.
Darparu gwasanaethau Cymraeg a dwyieithog - hyd at 500 gair
Disgrifiwch sut fyddech chi'n cefnogi gofynion y Gymraeg wrth gyflwyno gwasanaethau archwilio mewnol, gan gynnwys cyfathrebu, adrodd, cyfarfodydd ac ymgysylltu â staff lle bo angen.
Gwerth ychwanegol a chymorth cynghori - hyd at 500 gair
Esboniwch sut fydd eich gwasanaeth archwilio mewnol yn darparu gwerth ychwanegol y tu hwnt i brofi cydymffurfiaeth. Nodwch enghreifftiau o sut rydych chi wedi helpu cleientiaid yn y sector cyhoeddus i wella dulliau llywodraethu, rheoli risg, rheolaethau, effeithlonrwydd neu werth am arian.
Manylion y Cyflwyniad
Adran A: Pris 30%
Bydd y tendr yn cael ei sgorio ar y pris fel a ganlyn:
"Sgôr y pris"="pris cydymffurfio isaf y tendr" /"pris y tendrwr" ×30
Enghraifft:
Tendrwr Pris Fformiwla Sgôr y pris
A £80,000 £80,000 / £80,000 × 30 30.00
B £90,000 £80,000 / £90,000 × 30 26.67
C £100,000 £80,000 / £100,000 × 30
24.00
Adran B: Ansawdd 70%
Mae'r marciau canlynol wedi'u dyrannu i bob adran:
Profiad perthnasol o weithio yn y sector cyhoeddus 15%
Profiad a pharhad tîm 10%
Dull Cynllunio Archwilio ac Asesu Risg 10%
Cydymffurfiaeth â Safonau 5%
Methodoleg Archwilio 10%
Cynaliadwyedd 10%
Darparu gwasanaethau Cymraeg a dwyieithog 5%
Gwerth ychwanegol a chymorth cynghori 5%
Dyfernir y tendr i'r cwmni sy'n cyflawni'r sgôr uchaf allan o 100%.
Y fethodoleg sgorio
Sgôr Gradd Disgrifiad
5 Ardderchog Mae'r ymateb yn bodloni'r gofyniad yn llawn ac yn darparu ateb cynhwysfawr â thystiolaeth dda. Mae'n dangos dealltwriaeth gref, profiad perthnasol, methodoleg glir, cynigion cyflwyno realistig a gwerth ychwanegol. Ni nodir unrhyw wendidau sylweddol.
4 Da Mae'r ymateb yn bodloni'r gofyniad yn dda ac yn darparu ateb clir a chredadwy. Mae'n cynnwys tystiolaeth berthnasol ac yn dangos dealltwriaeth dda, er y gallai fod mân fylchau neu feysydd lle byddai rhagor o fanylion wedi cryfhau'r ymateb.
3 Derbyniol Mae'r ymateb yn bodloni'r gofyniad craidd ac yn ddigonol ar y cyfan. Mae'n darparu rhywfaint o dystiolaeth berthnasol, ond nid oes ganddo fanylion, dyfnder, eglurder nac enghreifftiau penodol mewn rhai meysydd.
2 Gwan Mae'r ymateb yn bodloni'r gofyniad yn rhannol yn unig. Mae'n cynnwys tystiolaeth gyfyngedig, diffyg manylder neu'n codi pryderon am allu'r tendrwr i gyflwyno'r gofyniad yn effeithiol.
1 Gwael Mae'r ymateb yn ddiffygiol iawn. Dim ond ychydig o dystiolaeth berthnasol a roddir, nid yw'n mynd i'r afael â'r gofyniad yn ddigonol, neu mae’n codi pryderon sylweddol.
0 Annerbyniol / Ddim yn cydymffurfio Ni ddarperir ymateb, neu mae'r ymateb yn methu â mynd i'r afael â'r gofyniad, nid yw’n cydymffurfio, neu mae'n amhosibl i'w werthuso.
Ar gyfer pob cwestiwn ansawdd, bydd y sgôr a ddyfarnwyd yn cael ei drosi'n farciau wedi'u pwysoli gan ddefnyddio'r fformiwla ganlynol:
"Marc wedi'i bwysoli"="sgôr â ddyfarnwyd" /5×"marciau sydd ar gael ar gyfer y cwestiwn
"
Er enghraifft, os yw cwestiwn yn werth 10 marc a'r tendrwr yn sgorio 4 allan o 5, y marc wedi'i bwysoli fyddai:
4/5×10=8
|