HYSBYSIAD O GONTRACT - CENEDLAETHOL

1 Manylion yr Awdurdod

1.1

Enw a Chyfeiriad yr Awdurdod

1.2

Cyfeiriad ar gyfer cael dogfennaeth

1.3

Mae'n rhaid dychwelyd dogfennau wedi'u cwblhau at:

2 Manylion y Contract

2.1

Teitl

Tendr Larymau Tân a Goleuadau Argyfwng Gyrfa Cymru

2.2

Disgrifiad o'r nwyddau neu'r gwasanaethau sydd eu hangen

Amcangyfrifwn y bydd uchafswm gwerth y contract dros gyfnod o 3 blynedd gyda phosibilrwydd o estyniad 1 flwyddyn oddeutu £80,000. Yn ogystal, efallai y bydd angen gosodiadau newydd a chwblhau gwaith diweddaru larymau fesul eiddo ym mhob lot yn ôl yr angen. Bydd amser dechrau'r contract yn wahanol ym mhob eiddo yn seiliedig ar yr adeg y daw’r contract presennol i ben.

Mae Gyrfa Cymru yn awyddus i benodi cwmni arbenigol ar gyfer pob un o'r tri lot i ddarparu archwilio, profi, gwasanaethu a chynnal a chadw larymau tân a goleuadau argyfwng. Bydd swyddfeydd yn newid dros amser, felly mae angen opsiwn terfynu tri mis arnom. Ar ddechrau'r contract rydym yn gofyn i'r cynigydd llwyddiannus gwblhau arolwg o'r adeilad gan gynghori ar addasrwydd y systemau larwm tân a goleuadau argyfwng. Gall contractwyr wneud cais am fwy nag un lot ond byddai angen iddynt gyflwyno dogfennau tendr ar wahân ar gyfer pob un.

Mae gweithgareddau rheoli cyfleusterau yn cael eu rheoli trwy ein meddalwedd rheoli cyfleusterau, Trackplan. Bydd contractwyr yn cael mynediad priodol i'r system er mwyn lanlwytho unrhyw ddogfennaeth berthnasol, gan gynnwys asesiadau risg, datganiadau dull, tystysgrifau, ac adroddiadau gwasanaeth. Bydd gofyn i gontractwyr hefyd gofnodi gwybodaeth presenoldeb yn Trackplan, gan ddarparu cofnod cyflawn ac archwiliadwy o'r gwaith a wnaed ar draws yr ystad.

NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=170304 i gofrestru eich diddordeb yn yr hysbysiad hwn a chael unrhyw wybodaeth ychwanegol.

Mae'r awdurdod dyfarnu wedi nodi y bydd yn derbyn ymatebion electronig i'r hysbysiad hwn drwy'r cyfleuster 'Blwch Postio Cyflwyno Tendrau'. Mae rhagor o fanylion am y cyfleuster hwn ar gael yn https://www.sell2wales.gov.wales/sitehelp/help_guides.aspx.

Cynghorir cyflenwyr i ganiatáu digon o amser i lanlwytho dogfennau ac anfon yr ymateb electronig ymhell cyn yr amser cau er mwyn osgoi unrhyw broblemau munud olaf.

2.3

Cod a Dosbarthiad yr Hysbysiad

2.4

Cyfanswm maint neu gwmpas y tendr

1. Systemau Larwm Tân - dau archwiliad y flwyddyn

Rhaid i'r Contractwr archwilio, profi, gwasanaethu a chynnal a chadw systemau canfod tân a larymau tân yn unol â:

• Gorchymyn Diwygio Rheoleiddio (Diogelwch Tân) 2005

• BS 5839-1: 2017 Systemau Canfod Tân a Larymau Tân ar gyfer Adeiladau Annomestig

• Gofynion perthnasol yswiriwr

• Argymhellion y gwneuthurwr

Bydd hyn yn cynnwys:

• Cynnal a chadw ataliol wedi'i gynllunio (PPM)

• Profi synwyryddion, pwyntiau galw â llaw, seinwyr, rhyngwynebau ac offer rheoli

• Archwilio batris a chyflenwadau pŵer wrth gefn

• Diagnosis ac atgyweirio namau

• Gwirio perfformiad y system

• Darparu tystysgrifau cynnal a chadw a chyhoeddi adroddiadau gwasanaeth

• Diweddaru llyfrau log safleoedd a chofnodion cydymffurfio

2. Prawf cyfnod llawn blynyddol ar y Systemau Goleuo mewn Argyfwng

Rhaid i'r Contractwr archwilio, profi, gwasanaethu a chynnal a chadw systemau goleuo mewn argyfwng yn unol â:

• Gorchymyn Diwygio Rheoleiddio (Diogelwch Tân) 2005

• BS 5266-1 Cod Ymarfer Goleuadau mewn Argyfwng

• BS EN 50172 Systemau Goleuadau Dianc mewn Argyfwng

• Gofynion gwneuthurwyr

Bydd hyn yn cynnwys:

• Profion bob chwe mis lle bo angen

• Archwilio goleuadau, batris, offer gwefru a systemau rheoli

• Un prawf dadwefru llawn blynyddol

• Lefel goleuder a gwiriadau gweithredol lle bo'n briodol

• Amnewid lampau, batris a ffitiadau diffygiol

• Darparu tystysgrifau prawf a chofnodion cynnal a chadw

• Argymhellion ar gyfer gwaith adfer lle nad yw systemau'n bodloni'r safonau cyfredol

3. Atgyweiriadau Ymatebol a Gwasanaeth Galw Allan mewn Argyfwng

Bydd y Contractwr yn darparu gwasanaeth ymateb brys 24 awr, 365 diwrnod y flwyddyn ar gyfer systemau larwm tân a goleuadau argyfwng sydd wedi’u cynnwys yn y contract.

Cyflwynwch gais tendr ar wahân ar gyfer pob lot

Lot 1

• Y Barri – Larwm tân, goleuadau argyfwng

• Tŷ St Ina Caerdydd – Larwm tân, goleuadau argyfwng

• Coed-duon – Larwm tân, goleuadau argyfwng

• Cwmbrân – Larwm tân, goleuadau argyfwng

• Merthyr – Larwm tân, goleuadau argyfwng

Lot 2

• Doc Penfro – Larwm tân

• Aberystwyth – Larwm tân, goleuadau argyfwng

• Hwlffordd – Larwm tân, goleuadau argyfwng

• Llanelli – Larwm tân, goleuadau argyfwng

• Castell-nedd – Larwm tân, goleuadau argyfwng

Lot 3

• Y Drenewydd – Larwm tân, goleuadau argyfwng

• Wrecsam – Larwm tân, goleuadau argyfwng

• Llandudno – Larwm tân, goleuadau argyfwng

• Porthmadog – Larwm tân, goleuadau argyfwng

• Y Rhyl – Larwm tân, goleuadau argyfwng

• Queensferry – Larwm tân, goleuadau argyfwng

3 Amodau ar gyfer Cymryd Rhan

3.1

Safonau gofynnol a'r cymhwyster sydd ei angen

Cwestiynau a matrics sgorio:

Rhowch atebion i'r cwestiynau canlynol ar draws 2 adran.

Adran 1: Pris - bydd hyn yn cyfrif am 30% o sgôr y cynnig.

Rhowch un gost ar gyfer y gofynion canlynol sy'n cwmpasu 4 blynedd y contract ar gyfer un safle. Dylai’r pris gynnwys cynnydd canrannol blynyddol ym mlwyddyn 2, 3 a 4.

1. Dau ymweliad i adolygu systemau larwm tân

2. Prawf llawn ar y goleuadau argyfwng unwaith y flwyddyn

3. Cost y gwasanaeth ymateb brys 24 awr 365 diwrnod y flwyddyn

4. Cost 3 galwad brys allan y flwyddyn (cyfanswm o 12 dros gyfnod y tendr)

5. Cost adroddiad arolwg cychwynnol

Bydd y tendr yn cael ei farcio ar gyfanswm cost y contract 4 blynedd

Adran 2: Ansawdd - bydd hyn yn cyfrif am 70% o sgôr y cais. Uchafswm nifer y geiriau fesul adran yw 200 gair ac ni fydd unrhyw eiriau dros y cyfrif hwn yn cael eu hystyried.

• Disgrifiwch eich profiad o ddarparu gwasanaethau larymau tân a goleuadau mewn argyfwng ar gyfer sefydliadau o faint a chymhlethdod tebyg. 15%

• Esboniwch sut rydych chi'n sicrhau cydymffurfiaeth â’r Safonau Prydain perthnasol a rheoliadau'r diwydiant. 10%

• Sut ydych chi'n rheoli uwchraddio technoleg ac offer sy’n cyrraedd diwedd oes? 5%

• Sut fyddwch chi'n sicrhau bod archwiliadau statudol yn cael eu cwblhau'n brydlon? 5%

• Disgrifiwch eich trefniadau ymateb brys. 10%

• Sut ydych chi'n cynnal ardystiadau a chymhwysedd technegol peiriannydd? 5%

• Sut fyddwch chi'n lleihau allyriadau carbon sy'n gysylltiedig â'r contract hwn? 10%

• Disgrifiwch sut rydych chi'n cydymffurfio â Deddf Cydraddoldeb 2010. 10%

Sgorio

Bydd y contract yn cael ei ddyfarnu yn seiliedig ar y fethodoleg sgorio ganlynol:

Adran A: Pris 30%

Bydd y tendr yn cael ei sgorio ar sail pris yn y dull canlynol:

pris tendr cydymffurfiol isaf

Sgôr pris = pris y tendrwr x 30

Tendrwr Pris Fformiwla Sgôr pris

A £80,000 £80,000 / £80,000 × 30 30.00

B £90,000 £80,000 / £90,000 × 30 26.67

C £100,000 £80,000 / £100,000 × 30

24.00

Y fethodoleg sgorio ansawdd

Sgôr Gradd Disgrifiad

5 Rhagorol Mae'r ymateb yn bodloni'r gofyniad yn llawn ac yn darparu ateb cynhwysfawr gyda thystiolaeth dda. Mae'n dangos dealltwriaeth gref, profiad perthnasol, methodoleg glir, cynigion cyflawni realistig a gwerth ychwanegol. Ni nodir unrhyw wendidau sylweddol.

4 Da Mae'r ymateb yn bodloni'r gofyniad yn dda ac yn darparu ateb clir a chredadwy. Mae'n cynnwys tystiolaeth berthnasol ac yn dangos dealltwriaeth dda, er y gallai fod mân fylchau neu feysydd lle byddai rhagor o fanylion wedi cryfhau'r ymateb.

3 Derbyniol Mae'r ymateb yn bodloni'r gofyniad craidd ac yn foddhaol ar y cyfan. Mae'n darparu rhywfaint o dystiolaeth berthnasol, ond nid oes manylion, dyfnder, eglurder ynddo nac enghreifftiau penodol mewn rhai meysydd.

2 Gwan Mae'r ymateb yn bodloni'r gofyniad yn rhannol yn unig. Mae'n cynnwys tystiolaeth gyfyngedig, diffyg digon o fanylion, neu'n codi pryderon am allu'r tendrwr i gyflawni'r gofyniad yn effeithiol.

1 Gwael Mae'r ymateb yn sylweddol ddiffygiol. Ychydig iawn o dystiolaeth berthnasol sydd wedi’i darparu, ac nid yw'n mynd i'r afael â'r gofyniad yn ddigonol, neu mae’n arwain at bryderon sylweddol.

0 Annerbyniol / Ddim yn cydymffurfio Ni ddarperir ymateb, neu mae'r ymateb yn methu â mynd i'r afael â'r gofyniad, nid yw'n cydymffurfio, neu nid oes modd ei werthuso.

Ar gyfer pob cwestiwn ar ansawdd, bydd y sgôr a ddyfernir yn cael ei throsi'n farciau wedi'u pwysoli gan ddefnyddio'r fformiwla ganlynol:

Marc wedi’i bwysoli = sgôr a ddyfarnwyd x marciau ar gael ar gyfer y cwestiwn hwnnw

5

Er enghraifft, os yw cwestiwn yn werth 10 marc a thendrwr yn sgorio 4 allan o 5, y marc wedi'i bwysoli fyddai:

For each quality question, the score awarded will be converted into weighted marks using the following formula:

weighted mark = score awarded divided by 5 x marks available for that question

For example, if a question is worth 10 marks and a tenderer scores 4 out of 5, the weighted mark would be:

4 divided by 5 x 10 = 8

4 Gwybodaeth Weinyddol

4.1

Math o Weithdrefn

Un cam

4.2

Rhif cyfeirnod a roddwyd i'r hysbysiad gan yr awdurdod contractio

N/a

4.3

Terfynau Amser

4.5

Yr iaith neu'r ieithoedd y gellir ei/eu defnyddio i lunio tendrau neu geisiadau i gymryd rhan

4.6

Blwch Postio Cyflwyno Tendrau

5 Gwybodaeth Arall

5.1

Gwybodaeth Ychwanegol

Mae Career Choices Dewis Gyrfa Cyf (CCDG) yn is-gwmni sy'n eiddo llwyr i Lywodraeth Cymru sy'n masnachu fel Gyrfa Cymru Careers Wales, ac rydym wedi cael ein contractio i ddarparu gwasanaeth gwybodaeth, cyngor a chyfarwyddyd gyrfaoedd ar gyfer pob oedran yng Nghymru, a hynny yn annibynnol ac yn ddiduedd.

Rydym yn helpu pobl i ddeall y farchnad swyddi sy'n newid ac i gaffael sgiliau newydd i fanteisio i'r eithaf ar y cyfleoedd sydd ar gael iddynt.

Rydym yn darparu mynediad at wybodaeth o ansawdd uchel ac adnoddau ar-lein i alluogi pobl i wneud penderfyniadau gwybodus a hyderus.

Mae ein gwaith yn helpu i ddatblygu sylfaen sgiliau'r genedl ac i gefnogi effeithiolrwydd y gwariant ar addysg a hyfforddiant, a thrwy hynny gyfrannu at les economaidd a chymdeithasol Cymru.

Gellir cyflwyno tendrau ar gyfer y gwaith hwn yn Gymraeg neu yn Saesneg. Ni fydd tendrau a gyflwynir yn Gymraeg yn cael eu trin yn llai ffafriol na'r rhai a gyflwynir yn Saesneg. Bydd y dyddiadau cau ar gyfer y Tendr yr un fath ar gyfer y rhai a gyflwynir yn Gymraeg a Saesneg. Bydd yr amserlen ar gyfer ymateb i'r ceisiadau yn Gymraeg yr un fath â'r rhai a gyflwynwyd yn Saesneg

Rhaid cyflwyno tendrau trwy'r porth tendro dynodedig. Ni dderbynnir cyflwyniadau trwy e-bost neu unrhyw lwybr arall. Dylid cyflwyno tendrau erbyn 1pm 9 Gorffennaf. Efallai na fydd tendrau a dderbynnir ar ôl y dyddiad a'r amser a nodwyd yn cael eu hystyried.

(WA Ref:170304)

5.2

Dogfennaeth Ychwanegol

5.3

Dyddiad cyhoeddi'r hysbysiad hwn