Disgrifiad o'r nwyddau neu'r gwasanaethau sydd eu hangen
HYSBYSIAD YMGYSYLLTU Â'R FARCHNAD RHAGARWEINIOL
Cyflwyniad
Mae Gofal Cymdeithasol Cymru yn archwilio datblygu Cynnig Cymorth Tîm Amlddisgyblaethol (MDT) cenedlaethol ar gyfer awdurdodau lleol ledled Cymru.
Y nod yw sefydlu dull cyson, sy'n seiliedig ar dystiolaeth o gymorth MDT sy'n ategu trefniadau rhanbarthol a lleol presennol, yn cryfhau gallu sefydliadol ac yn cefnogi gwella gwasanaethau ar draws system gofal cymdeithasol Cymru.
Mae Gofal Cymdeithasol Cymru yn ceisio adborth o'r farchnad i helpu i lunio dull caffael y dyfodol a deall gallu, capasiti a dulliau arloesol cyflenwyr o gyflawni'r rhaglen hon.
Cefndir
Mae amrywiaeth o drefniadau gwella a chymorth yn gweithredu ledled Cymru ar hyn o bryd. Er bod y rhain yn darparu cymorth gwerthfawr, gall y ddarpariaeth fod yn amrywiol ac nid oes fframwaith cenedlaethol cyson.
Mae'r rhaglen arfaethedig yn cyd-fynd ag uchelgeisiau strategol Gofal Cymdeithasol Cymru ar gyfer gwella, arloesi ac ymarfer sy'n seiliedig ar dystiolaeth ac mae'n ceisio datblygu cynnig cymorth cenedlaethol cydgysylltiedig sy'n ychwanegu gwerth at drefniadau presennol.
Cwmpas y Cyfle
Disgwylir i'r comisiwn gynnwys dylunio a datblygu Cynnig Cymorth MDT sy'n barod i'w weithredu, gan gynnwys ystyried:
- Pwrpas, cwmpas a chanlyniadau arfaethedig y cynnig.
- Dylunio model gwasanaeth a gweithredu.
- Trefniadau llywodraethu ac atebolrwydd.
- Gofynion adnoddau, capasiti a chostau.
- Ystyriaethau mynediad, gweithredu a gwerthuso.
- Mae Gofal Cymdeithasol Cymru yn croesawu adborth ynghylch a yw'r meysydd hyn yn briodol ac a ddylid ystyried dulliau amgen.
Gofynion Allweddol
Mae Gofal Cymdeithasol Cymru yn rhagweld y gallai cyflenwyr fod angen arbenigedd ar draws ystod o ddisgyblaethau, gan gynnwys:
- Cyd-ddylunio ac ymgysylltu â rhanddeiliaid yn effeithiol.
- Deall a dadansoddi'r dirwedd welliant a chymorth bresennol.
- Tysteolaeth, ymchwil a mewnwelediad, gan gynnwys polisi ac ymarfer gofal cymdeithasol perthnasol.
- Dylunio, datblygu, profi a mireinio gwasanaethau.
- Model gweithredu a dylunio llywodraethu, gan gynnwys dichonoldeb, adnoddau a chostau.
- Rheoli rhaglenni a phrosiectau.
Bydd yn ofynnol i'r cyflenwr llwyddiannus ddatblygu a chyflwyno rhaglen ymgysylltu gynhwysfawr sy'n cynnwys awdurdodau lleol, partneriaid system a rhanddeiliaid ehangach.
Gallu'r farchnad
Mae gennym ddiddordeb mewn clywed gan sefydliadau sydd â phrofiad mewn meysydd fel:
- Dylunio a thrawsnewid gwasanaethau.
- Gwella ac arloesi gofal cymdeithasol.
- Ymgysylltu â rhanddeiliaid a chyd-ddylunio.
- Model gweithredu a datblygu llywodraethu.
- Ymchwil, gwerthuso ac ymarfer sy'n seiliedig ar dystiolaeth.
- Darparu yng nghyd-destun gofal cymdeithasol Cymru.
Croesewir dulliau consortia a phartneriaeth.
Gweler y ddogfen Hysbysiad Ymgysylltu Â'r Farchnad Rhagarweiniol am fwy o fanylion
NODER: Ewch i'r Wefan yn https://www.sell2wales.gov.wales/Search/Search_Switch.aspx?ID=170663 i gofrestru eich diddordeb yn yr hysbysiad hwn a chael unrhyw wybodaeth ychwanegol. |