Deddf Caffael 2023: Camau allweddol ar gyfer cyflenwyr

Cyflwyniad i Ddeddf Caffael 2023

Mae cyfraith caffael cyhoeddus yn newid yn dilyn cyflwyno Deddf Caffael 2023 a'r Rheoliadau cysylltiedig newydd y bwriedir iddynt fod yn weithredol ar 24 Chwefror 2025. Os ydych yn fusnes sy'n cyflenwi nwyddau, gwaith neu wasanaethau i'r sector cyhoeddus yng Nghymru, mae angen i chi wybod am y newidiadau hyn a'n cynlluniau i baratoi rhanddeiliaid ar gyfer eu rhoi ar waith.

Beth yw'r Platfform Digidol Canolog (CDP)?

Y Platfform Digidol Canolog (CDP) fydd pan fydd holl awdurdodau contractio'r DU yn cyhoeddi gwybodaeth sy'n ymwneud â chaffael. Mae hefyd yn fan lle mae codau adnabod yn cael eu cofnodi a/neu eu cyhoeddi ac i gyflenwyr fewnbynnu eu gwybodaeth a ddefnyddir yn aml. Bydd yn blatfform digidol cwbl integredig lle bydd hysbysiadau, mewngofnodi a chofrestru, a gwybodaeth am gyflenwyr i gyd yn gweithio gyda'i gilydd i gefnogi gwaith caffael y sector cyhoeddus.

Pryd gall cyflenwyr gofrestru?

Bydd y Platfform Digidol Canolog (CDP) yn mynd yn fyw ar 24 Chwefror 2025 ochr yn ochr â'r rheoliadau caffael newydd. Bydd cyflenwyr hefyd yn gallu uwchlwytho eu ID cyflenwr unigryw i GwerthechiGymru o 25 Chwefror 2025 yn dilyn gweithredu'r newidiadau.

Dim ond ar y pwynt y maent am wneud cais am gontract y mae angen i gyflenwyr gofrestru ar ôl i'r gyfraith ddod i rym ar 24 Chwefror 2025. 

Dylai cofrestru a nodi gwybodaeth eu cyflenwr fod yn syml ac yn gyflym, yn enwedig os yw’r holl wybodaeth sydd ei hangen arnynt ar gael cyn iddynt ddechrau.

Sylwer: Mae amser segur GwerthwchiGymru wedi'i drefnu ddydd Llun 24 Chwefror 2025 rhwng 8:00am a 17:00pm i weithredu'r newidiadau hyn. Os oes gennych unrhyw ymholiadau, cysylltwch â'r Tîm Cymorth ar 0800 222 9004.

Camau allweddol ar gyfer cyflenwyr

• Cofrestru: Gwnewch yn siŵr eich bod yn cofrestru ar y Platfform Digidol Canolog (CDP) unwaith y bydd hwn ar gael i gael gafael ar eich cod adnabod cyflenwr unigryw ac i weld yr holl hysbysiadau a gyhoeddir o dan y Ddeddf Caffael.
  

• Gwybodaeth Graidd: Gwnewch yn siŵr eich bod yn cwblhau gwybodaeth graidd y cyflenwr ar y platfform digidol canolog os ydych yn dymuno tendro am gontractau sector cyhoeddus.
  

• Diweddarwch eich proffil GwerthwchiGymru: Gwnewch yn siŵr eich bod yn uwchlwytho eich cod adnabod cyflenwr unigryw i GwerthwchiGymru i barhau i allu tendro am gontractau.
  

• Telerau talu: Dylech fod yn ymwybodol o'r telerau talu 30 diwrnod sydd ymhlyg ym mhob “is-gontract cyhoeddus”.

Am ragor o arweiniad a gwybodaeth, gweler ein pecyn canllawiau llawn yma.