Yn ddiweddar, mae'r Gweinidog Diwylliant, Sgiliau a Phartneriaeth Gymdeithasol wedi lansio'r ymgynghoriad cyhoeddus ar y Cod Allanoli Gwasanaethau Cyhoeddus a'r Gweithlu drafft o dan Ddeddf Partneriaeth Gymdeithasol a Chaffael Cyhoeddus (Cymru) 2023.
Mae'r ymgynghoriad yn rhoi cyfle pwysig i randdeiliaid wneud sylwadau ar y Cod Allanoli Gwasanaethau Cyhoeddus a'r Gweithlu drafft. Gofynnir am farn ynghylch a yw'r cod yn adlewyrchu bwriad y polisi, sydd wedi'i setlo a'i seilio ar Ddeddf Partneriaeth Gymdeithasol a Chaffael Cyhoeddus (Cymru).
Rydym yn croesawu’n arbennig ymatebion gan awdurdodau contractio a restrir yn Atodlen 1 i Ddeddf Partneriaeth Gymdeithasol a Chaffael Cyhoeddus (Cymru) 2023, yn ogystal â chyflenwyr i'r sector cyhoeddus ac eraill sydd â diddordeb yn y Ddeddf, Deddf Llesiant Cenedlaethau'r Dyfodol (Cymru) 2015, a chaffael yn ehangach.
Os hoffech gyfrannu at yr ymgynghoriad, dylid cyflwyno eich ymatebion drwy lenwi'r ffurflen ar-lein hon. Y dyddiad cau ar gyfer cyflwyno ymatebion yw 14:00 ar 3 Rhagfyr 2025.
Cyhoeddwyd gyntaf
23 Medi 2025
Diweddarwyd ddiwethaf
23 Medi 2025